युनियन, प्राइम र गुराँस लाइफको मर्जरसम्बन्धी प्रस्ताव पारित

काठमाडौं । प्राइम र गुराँस लाइफसँग मर्जरमा जाने अन्तिम निर्णय गर्दै युनियन लाइफ इन्स्योरेन्सको विशेष साधारणसभा सम्पन्न भएको छ । इन्स्योरेन्सले बुधबार भैरहवामा विशेष साधारणसभा डाकेको थियो । विशेष सधारणसभाले युनियन लाइफ इन्स्योरेन्स कम्पनी लिमिटेड, प्राइम लाइफ इन्स्योरेन्स कम्पनी लिमिटेड र गुराँस लाइफ इन्स्योरेन्स कम्पनी लिमिटेड एक–आपसमा गाभ्ने÷गाभिनेसम्बन्धी अन्तिम प्रस्ताव पारित गरेको हो ।

यी तीन इन्स्योरेन्स एक–आपसमा गाभिएपछि बन्ने कम्पनीको नाम हिमालयन लाइफ इन्स्योरेन्स लिमिटेड रहने र सोही नामबाट जीवन बीमा व्यवसाय सञ्चालन गर्नेसम्बन्धी प्रस्ताव पनि पारित गरेको छ । तीनवटै इन्स्योरेन्सबराबर सेयर अनुपातमा एक–आपसमा गाभिन लागेका हुन् । बुधबार नै प्राइम लाइफ र गुराँस लाइफ इन्स्योरेन्सले पनि विशेष साधारणसभामार्फत एक आपसमा गाभ्ने÷गाभिनेसम्बन्धी सञ्चालक समितिको प्रस्ताव पारित गरेका छन् ।