Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारगुहेश्वरी मर्चेन्ट फाइनान्सको नाफामा संकुचन

गुहेश्वरी मर्चेन्ट फाइनान्सको नाफामा संकुचन


काठमाडौं । गुहेश्वरी मर्चेन्ट बैंकिङ एन्ड फाइनान्स कम्पनीको खुद मुनाफामा गत आर्थिक वर्षको तेस्रो त्रैमासिक अवधिको तुलनामा संकुचन आएको छ । फाइनान्सले चालू आर्थिक वर्षको पछिल्लो नौ महिनाको अवधिमा ८४ लाख १८ हजार रुपैयाँ खुद मुनाफा कमाएको छ । गत आवको सोही अवधिमा फाइनान्सको नाफा चार करोड छ लाख १३ हजार रुपैयाँ रहेको थियो ।

हाल चुक्ता पुँजी एक अर्ब एक करोड २१ लाख ७६ हजार रुपैयाँ रहेको फाइनान्सले चालू आवको तेस्रो त्रैमासिक अवधिमा छ अर्ब ९८ करोड छ लाख आठ हजार रुपैयाँ निक्षेप संकलन गरी पाँच अर्ब ४२ करोड ६५ लाख १९ हजार रुपैयाँ कर्जा प्रवाह गरेको छ । सो अवधिमा २० करोड दुई लाख ७६ हजार रुपैयाँ खुद ब्याज आम्दानी गरेको फाइनान्समा चार दशमलव ३८ प्रतिशत निष्क्रिय कर्जा रहेको छ ।

गत आवको तेस्रो त्रैमासमा फाइनान्सले छ अर्ब ६५ करोड ४३ लाख ७८ हजार रुपैयाँ निक्षेप संकलन गरी पाँच अर्ब ६३ करोड २९ लाख ६० हजार रुपैयाँ कर्जा प्रवाह गरेको थियो । उक्त अवधिमा १७ करोड २१ लाख २० हजार रुपैयाँ खुद ब्याज आम्दानी गरेको संस्थामा एक दशमलव १५ प्रतिशत निष्क्रिय कर्जा थियो । फाइनान्सको वितरणयोग्य मुनाफा दुई करोड ११ लाख ११ हजार रुपैयाँ रहेको छ ।


क्याटेगोरी : बैंक बित्त बजार
ट्याग : #Page 6

तपाईको प्रतिक्रिया

ताजा अपडेट