Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारआईसीएफसी फाइनान्सको खुद मुनाफा घट्यो

आईसीएफसी फाइनान्सको खुद मुनाफा घट्यो


काठमाडौं । आईसीएफसी फाइनान्सको खुद मुनाफामा गिरावट आएको छ । फाइनान्सले चालू आर्थिक वर्षको तेस्रो त्रैमासिकमा आठ करोड ३९ लाख ४८ हजार चार सय छ रुपैयाँ खुद मुनाफा आर्जन गरेको छ । गत आर्थिक वर्षको सोही अवधिमा फाइनान्सको खुद मुनाफा १२ करोड ३९ लाख ९८ हजार चार सय ४४ रुपैयाँ रहेको थियो ।

चुक्ता पुँजी एक अर्ब १८ करोड ३४ लाख ७० हजार नौ सय ६० रुपैयाँ रहेको फाइनान्सले चालू आर्थिक वर्षको तेस्रो त्रैमासिकमा १८ अर्ब १६ करोड ७२ लाख ४९ हजार नौ सय ४८ रुपैयाँ निक्षेप संकलन गरी १३ अर्ब ६१ करोड ३४ लाख ९७ हजार ५२ रुपैयाँ कर्जा प्रवाह गरेको छ । सो अवधिमा ४१ करोड ५५ लाख ९६ हजार सात सय ९४ रुपैयाँ खुद ब्याज आम्दानी गरेको फाइनान्सको निष्क्रिय कर्जा दुई दशमलव ६४ प्रतिशत रहेको छ ।

गत आर्थिक वर्षको सोही अवधिमा भने फाइनान्सले १७ अर्ब ७१ करोड ९९ लाख ८४ हजार एक सय ८३ रुपैयाँ निक्षेप संकलन गरी १४ अर्ब पाँच करोड ६६ लाख १८ हजार पाँच सय ७१ रुपैयाँ कर्जा प्रवाह गरेको थियो । उक्त अवधिमा ३१ करोड ६५ लाख आठ हजार ५८ रुपैयाँ खुद ब्याज आम्दानी गरेको फाइनान्समा एक दशमलव २४ प्रतिशत निष्क्रिय कर्जा रहेको थियो । तेस्रो त्रैमासिकसम्म फाइनान्सको वितरणयोग्य मुनाफा एक करोड ८९ लाख ५३ हजार नौ सय १७ रुपैयाँ रहेको छ ।


क्याटेगोरी : बैंक बित्त बजार
ट्याग : #Page 6

तपाईको प्रतिक्रिया