नेपाल बीमा प्राधिकरणको प्रभातफेरी

काठमाडौं । नेपाल बीमा प्राधिकरणको ५५औँ वार्षिकोत्सवका अवसरमा आइतबार काठमाडौंमा प्रभातफेरी कार्यक्रम आयोजना भएको छ । काठमाडौंको भद्रकालीबाट सुरु भएको प्रभातफेरी -याली सुन्धारा, एनएसी, रत्नपार्क हुँदै भृकृटीमण्डपमा पुगेर सभामा परिणत भएको थियो ।

सभालाई सम्बोधन गर्दै नेपाल बीमा प्राधिकरणका अध्यक्ष सूर्यप्रसाद सिलवालले प्राधिकरण र बीमा कम्पनीहरूको एउटै उद्देश्य जनतालाई बीमाको महत्वका बारे जानकारी दिई सेवा पु-याउनु रहेको बताए । उनले बीमा सेवा पु¥याउन सम्बन्धित सबै हातेमालो गरेर अगाडि बढ्नुपर्ने बताए ।

अध्यक्ष सिलवालले भने, ‘पछिल्ला दुई वर्षमा बीमासम्बन्धी जनचेनता अभिवृद्धिले फड्को मारेको छ । जुनरूपमा बीमा सचेतनाले व्यापकता पाएको छ, त्यहीरूपमा बीमा कम्पनीहरू आम जनतासम्म पुग्नु प-यो, बीमा सेवा उपलब्ध गराउनु प-यो र सेवा दीगो हुनु प-यो । कम्पनीहरूले बीमालेखलाई समयानुकूल परिमार्जन गर्नु प-यो, बीमितलाई थप सुविधाको व्यवस्था गर्नु प-यो ।’ अध्यक्ष सिलवालले नागरिकलाई बीमाको दायरामा ल्याउन बीमाक्षेत्रसँग जोडिएका सबैको साथ सहयोग आवश्यक पर्ने बताए ।

कार्यक्रममा नेपाल बीमा प्राधिकरणका कार्यकारी निर्देशक राजुरमण पौडेल, निर्देशक सुशील देव सुवेदी, निर्देशक पुजन ढुङ्गेल (अधिकारी), निर्देशक दिनेश कुमार लाल र कर्मचारीहरू, बीमा कम्पनी र पुनर्बीमा कम्पनीका प्रमुख कार्यकारी अधिकृतहरू तथा कर्मचारीहरू, जीवन बीमक संघ, नेपाल बीमक संघ, बीमा सर्भेयर संघ र पेसागत बीमा अभिकर्ता संघका पदाधिकारीहरू तथा सञ्चारकर्मीहरूलगायतको सहभागिता रहेको थियो ।