जीवन विकासको नाफा ३३ करोड

काठमाडौं । जीवन विकास लघुवित्त वित्तीय संस्थाले चालू आर्थिक वर्षको तेस्रो त्रैमासिक अवधिमा ३२ करोड ९२ लाख २३ हजार नौ सय २२ रुपैयाँ खुद मुनाफा आर्जन गरेको छ । गत आर्थिक वर्षको सोही अवधिमा लघुवित्तको यस्तो नाफा ६१ करोड नौ लाख ९७ हजार पाँच सय ७७ रुपैयाँ रहेको थियो ।

एक अर्ब १८ करोड २० लाख ३४ हजार दुई सय रुपैयाँ चुक्ता पुँजी रहेको संस्थाले चालु आर्थिक वर्षको तेस्रो त्रैमासमा १० अर्ब ९६ लाख १९ हजार छ सय १३ रुपैयाँ निक्षेप संकलन गरी २२ अर्ब ४५ करोड ५३ लाख तीन हजार एक सय १२ रुपैयाँ कर्जा प्रवाह गरेको छ । सो अवधिमा एक अर्ब ५० करोड ८७ लाख ६४ हजार सात सय ६० रुपैयाँ खुद ब्याज आम्दानी गरेको संस्थामा चार दशमलव ९१ प्रतिशत कर्जा निष्क्रिय रहेको छ । वितरणयोग्य नाफा १९ करोड २३ लाख ३१ हजार पाँच सय ७८ रुपैयाँ छ ।

गत आर्थिक वर्षको सोही अवधिमा लघुवित्तले नौ अर्ब ५४ करोड ६६ लाख ९१ हजार तीन सय ७१ रुपैयाँ निक्षेप संकलन गरी २३ अर्ब ४३ करोड ७८ लाख दुई हजार एक सय तीन रुपैयाँ कर्जा प्रवाह गरेको थियो । उक्त अवधिमा एक अर्ब २१ करोड ३६ लाख २१ हजार तीन सय सात रुपैयाँ खुद ब्याज आम्दानी गरेको संस्थामा शून्य दशमलव ८३ प्रतिशत कर्जा निष्क्रिय थियो ।