सनराइज बैंकद्वारा प्रहरी बिट हस्तान्तरण

काठमाडौं,सनराइज बैंकले सुदूरपश्चिमको भीमदत्त पन्त राजमार्गअन्तर्गत चुरे गाउँपालिका र डडेल्धुरा बजार क्षेत्रमा प्रहरी बिट निर्माण सम्पन्न गरी हस्तान्तरण गरेको छ । बैंकका अनुसार बुधबार र शुक्रबार छुट्टाछट्टै कार्यक्रम गरी बैंकका नायब महाप्रबन्धक रवीनकुमार नेपालले प्रहरी बिट हस्तान्तरण गरेका हुन् ।

सर्वसाधारण र चल्ने यातायातको सुरक्षाको लागि वडा कार्यालय र इलाका प्रहरीसँग समन्वय गरी एक–एक थान प्रहरी बिट निर्माण गरिएको बैंकले जनाएको छ ।

सो अवसरमा चुरे गाउँपालिकाका अध्यक्ष चक्रबहादुुर बोगटी, इलाका प्रहरी कार्यालय फलटुडे कैलालीका कार्यालय प्रमुख प्रहरी निरीक्षक धर्मसिंह बिष्ट र चुरे गाउँपालिका वडा नं ३ का वडाध्यक्ष खगेन्द्र खडायतको उपस्थिति थियो । त्यस्तै, डडेल्धुराको कार्यक्रममा अमरगढी नगरपालिका वडा नं ५ का वडाध्यक्ष टंकबहादुर क्षेत्री र प्रहरी नायब उपरीक्षक मनोहरप्रसाद भट्टकोे उपस्थितिमा प्रहरी बिट हस्तान्तरण गरिएको बैंकले जनाएको छ ।