Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारभारतले दुई हजारको नोट चलनचल्तीबाट हटाउने

भारतले दुई हजारको नोट चलनचल्तीबाट हटाउने


काठमाडौं,भारतीय केन्द्रीय बैंक ‘रिजर्भ बैंक अफ इन्डिया’ (आरबीआई)ले दुई हजार दरका नोट चलनचल्तीबाट हटाउने घोषणा गरेको छ । आरबीआईले शुक्रबार जारी गरेको विज्ञप्तिमा दुई हजार दरका नोटहरु वैध रहने र आगामी सेप्टेम्बर ३०सम्म बैंकमा जम्मा गर्न सकिने वा साटन सकिने उल्लेख छ ।

कुनै पनि बैंक शाखामा एक पटकमा २० हजारसम्म जम्मा गर्न सकिन्छ । आरबीआईले बैंकहरुलाई अबदेखि दुई हजारका नोट जारी नगर्न पनि निर्देशन दिएको छ ।सन् २०१६मा पाँच सय र एक हजार दरका नोट बन्द भएपछि दुई हजारका नोट जारी गरेको थियो । तर सन २०१८÷१९ देखि दुई हजारका नोट छाप्न रोकिएको थियो ।

भारतमा अहिले सर्कुलेसनमा रहेका दुई हजार रुपैयाँको नोटको मूल्य ३६ खर्ब ६२ अर्ब हाराहारी रहेको बताइएको छ । कोभिडकाल देखि भारतमा पनि डिजिटल कारोबार बढेकाले खासै असर नपर्ने आरबीआईका अधिकारीहरुले बताएका छन् । तर ठूला नोट नहुँदा साना व्यवसाय, कृषि र निर्माणलगायत नगदको प्रयोग धेरै हुने क्षेत्रहरुलाई असहज हुने निश्चित छ ।

दुई हजारका नोटबन्दी हुँदा सुनलगायतका वस्तुहरु किन्ने होडबाजी बढ्नसक्ने जोखिम रहेको जानकारहरुले टिप्पणी गरेका छन् ।


क्याटेगोरी : बैंक बित्त बजार, विश्व बजार

तपाईको प्रतिक्रिया