श्री इन्भेस्टमेन्ट फाइनान्सको नाफा साढे चार करोड

काठमाडौं, श्री इन्भेस्टमेन्ट एन्ड फाइनान्स कम्पनीले चालु आर्थिक वर्षको तेस्रो त्रैमासिक अवधिमा चार करोड ४८ लाख ६० हजार चार सय ७९ रुपैयाँ खुद मुनाफा आर्जन गरेको छ । गत आवको सोही अवधिमा भने फाइनान्सको यस्तो नाफा सात करोड १० लाख ९४ हजार पाँच सय ७२ रुपैयाँ रहेको थियो ।

हाल चुक्ता पुँजी ९८ करोड १६ लाख ८३ हजार दुई सय रुपैयाँ रहेको फाइनान्सले चालु आवको तेस्रो त्रैमासमा छ अर्ब ६० करोड ८२ लाख ६० हजार तीन सय सात रुपैयाँ निक्षेप संकलन गरी पाँच अर्ब २८ करोड तीन लाख ६० हजार चार सय ८७ रुपैयाँ कर्जा प्रवाह गरेको छ । सो अवधिमा १६ करोड ५५ लाख ३५ हजार पाँच सय ६१ रुपैयाँ खुद ब्याज आम्दानी गरेको फाइनान्समा एक दशमलव २६ प्रतिशत कर्जा निष्क्रिय रहेको छ ।

वितरणयोग्य नाफा दुई करोड छ हजार ११ रुपैयाँ रहेको फाइनान्सको स्प्रेड दर भने चार दशमलव ७३ प्रतिशत रहेको छ ।
गत आवको सोही अवधिमा फाइनान्सले छ अर्ब ४१ करोड ७५ लाख ६१ हजार छ सय सात रुपैयाँ निक्षेप संकलन गरी पाँच अर्ब आठ करोड ८२ लाख १५ हजार सात सय ६५ रुपैयाँ कर्जा प्रवाह गरेको थियो । उक्त अवधिमा १७ करोड ४१ लाख ६५ हजार तीन सय ११ रुपैयाँ खुद ब्याज आम्दानी गरेको फाइनान्समा शून्य दशमलव ९४ प्रतिशत कर्जा निष्क्रिय रहेको थियो भने स्प्रेड दर चार दशमलव शून्य एक प्रतिशत रहेको थियो ।