सयुक्त राष्ट्र संघको आह्वानअनुसार नेपालले पनि सन् २००४ अर्थात् विसं २०६१ देखि १५ असारलाई धान दिवस मनाउन लागेको हो । राष्ट्र संघको आह्वानमा धान दिवस मनाउन थाल्नुअघि नै नेपालमा असार १५ मा दही चिउरा खाने परम्परा चल्दै आएको छ । हिउँदमा रुखोसुुखो खाएर बिताएपछिको वर्षायाममा धान रोपाइँ सुरु गरेपछि १५ असारमा दही चिउरा खाएर मनाइने नेपालको मौलिक पर्र्व हो ।
धान रोपाइँ सुरु गर्ने दिनको रूपमा धान दिवस मनाउन थालेपछि यसले झन् चर्चा पाएको हो । तर, यसअघि नै पनि दही चिउरा खाने दिनका रूपमा असार १५ प्रख्यात रहेको थियो । अहिले असार १५ नेपालमा दोहोरो महत्वको दिन बनेको छ । नेपालमा धान दिवसलाई सत्तामा रहेका व्यक्तिहरूले धान रोपाइँ गर्नेभन्दा पनि मनोरञ्जन गर्ने दिनको रूपमा विकृत बनाएका छन् । केही वर्षअघि कृषि मन्त्रीले धान दिवस मनाउँदा हिलो मात्र छ्यापेनन् कि सहभागी एक महिलालालाई संवेदनशील अंगमा समाते । धान दिवस सोख पूरा गर्ने वा मनोरञ्जन लिने अवसर होइन, यो त कर्म गर्ने प्रतिबद्धताको प्रतीक हो ।
धान दिवसलाई आफ्नो विकृत मानसिकता प्रदर्शन गर्ने थलो बनाउने र होस खुुलेपछि आफूअनुुकूल हुुनेगरी व्याख्या गर्ने प्रचलन बढ्दो रहेको छ । कतिपयले चर्चामा आउनकै लागि वक्षस्थलमा धानको बीउ राखेको देखाउने र केहीले त गुप्तांगमा धानको बीउले छोपेको देखाएर प्रचारबाजी गरेका छन् । त्यस्तो प्रचारबाजीले के सन्देश दिएको छ, त्यो त नीति निर्माण गर्ने तहमा हालीमुुहाली गरेर बसेका दिग्गज विज्ञहरूले विश्लेषण गरेकै होलान् । तर, मुलुकको शासन प्रशासन हाँकेर बसेको सरकारले त्यस्तो विकृतिलाई यथासिघ्र रोक्नुुपर्ने हो र विकृतिबहाकहरूमाथि अविलम्ब कारबाही थाल्नु पर्ने हो । तर, सरकार यसमा मुकदर्शक बनेर बसेको छ ।
अहिले असार १५ को दही चिउरा खाने परम्परा र धान दिवसलाई विकृत बनाएर दहीचिउरे संस्कृतिलाई विकास गर्न खोजिएको छ । दही चिउरा खाने परम्परा र दहीचिउरे प्रवृत्ति एउटै होइन । यो दहीचिउरे प्रवृत्तिलाई बेलैमा रोक्नुु पर्छ र यसलाई मर्यादित बनाउन सक्नुपर्छ । अन्यथा यसले समाजमा जे गरे पनि हुन्छ भन्ने विकृत संस्कार बढाउने निश्चित छ ।
क्याटेगोरी : सम्पादकीय
ताजा अपडेट
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
- मन्त्री चौधरी र राजदूत हेक्काबीच भेटवार्ता
- चीनको औद्योगिक मुनाफामा उच्च वृद्धि
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया