प्रधानमन्त्रीका अभिव्यक्तिको अध्ययन होस्
कुनै पनि गम्भीर विषयमा हलुका टिप्पणी भयो भने त्यसले विषयलाई नै अन्यथा हुनेगरी प्रभाव पार्छ । बाघ आएको कुरालाई रमाइलोका लागि प्रस्तुत हुँदा र वास्तवमा नै बाघ आउँदा के हुन्छ भन्ने कुरा जगजाहेर नै छ । यसरी देशका महत्वपूर्ण पदाधिकारीले सर्वसाधारणमा अन्यथा बुझ्ने गरी अभिव्यक्तिहरू दिइरहे भने त्यो उखानमा मात्रै सीमित हुनजाने खतरा हुन्छ । त्यसका थुपै उदाहरण छन् । देशका लागि वास्तवमा नै राम्रो काम गरेका प्रधानमन्त्रीको आफूलाई हटाउन लागिएको भन्ने चेतावनीयुक्त जानकारी र त्यसका वरिपरिबाट आइपर्ने प्रभावहरू त्यस्तै उदाहरण नबनोस् ।
यो विषय राजनीतिसँग जोडिएको भए पनि देशको स्थिरता र वर्तमानको समस्याको अवस्थामा सरकारी कामकाजसँग पनि जोडिन्छ जो डरलाग्दो महामारीको व्यवस्थापनमा चुकेका कुराहरू बाहिर आइरहेका छन् । प्रधानमन्त्रीको निवास बालुवाटारमा आयोजित एउटा कार्यक्रममा प्रधानमन्त्रीले जस्तो सम्बोधन गरे, यदि त्यो वास्तविक हो भने आपत्तियुक्त छ । त्यही ठाउँमा सत्तारुढ दल नेकपाको उच्चस्तरीय बैठक चलिरहेको छ । त्यसको समापन भएको छैन । पाँच दिनअघि सुरु भएको बैठक फेरि बस्तै छ । यो तय नै भएको कार्यक्रम हो । त्यस्तो बेला प्रधानमन्त्रीबाट राष्ट्रहितका लागि काम गरेबापत कसैले आफूलाई पदबाट हटाउन खोजेको भन्ने जानकारी दिए । प्रधानमन्त्रीबाट नै यसको जानकारी प्राप्त भयो ।
विदेशी माध्यम र विदेशका बुद्धिजीवी पनि यो अभ्यासमा लागेका भन्ने प्रधानमन्त्रीबाट सूचना आयो । प्रधानमन्त्रीले भनेको देशभित्रबाट यस्तो अभ्यास चलेको हो भने त्यस देशका नेपाली राजदूतला यस्तो कुराको जानकारी किन भएन भन्ने पश्न उठ्छ । यो जानकारी सार्वजनिक गरिँदाको क्षणसम्म ती राजदूतलाई यो विषयमा जानकारी गराउन सरकारले कुनै अभ्यास गरेका भन्ने कतै जानकारी आएको छैन । कुन होटेलमा कुन दिन के भयो, यसका बारे भन्ने पनि खुलाइएको छैन । यदि त्यस्तो भरपर्दो सूचना थिएन भने प्रधानमन्त्रीबाट यस्तो कुरा कसरी आयो र थियो भने नोपालको राष्ट्रिय हितका विरुद्ध हुनेगरी यस्तो षड्यन्त्रमूलक काम गर्न ती होटललाई कसले अधिकार दियो भन्ने प्रश्न उठ्छ नै ।
प्रधानमनत्रीकै अनुसार पनि राष्ट्रको हितमा काम गर्न लाग्दा यस्तो षड्यन्त्र भएको हो । दूतावासभित्रको कुरा सरकारको पहुँचमा नहोला । त्यो पनि जासुसी पक्रिया ठीक ढङ्गले चलेको हो भने लुक्न पाउँदैन । यो षड्यन्त्र त राष्ट्रका विरुद्ध हो नि त । त्यस्तो षड्यन्त्रको जानकारी चाहिएका बेला नपाउने हो भने त्यस्तो संयन्त्रको के काम ? जो प्रधानमन्त्री मातहत नै छ । देशमा यतिबेला प्रधानमन्त्रीको कार्यशैली र सरकारको काम कारबाहीप्रति आम तहमा नै सन्तुष्टि छैन । गम्भीर विषयमा प्रधानमन्त्री हलुकारूपले प्रस्तुत हुनेगरेका छन् । असारको पहिलो हप्ता प्रधानमन्त्रीले संसद्मा लिएको समय र बोलेका कुरा तथा देशको तत्कालको भयावह अवस्था आदि पक्षहरूमा व्यापक चर्चा भैरहेको छ ।
ती दिनमा प्रधानमन्त्रीले संसद्मा करिब छ घण्टा लगातार बोलेका भन्ने विवरणहरू बाहिर आएका छन् । त्यसमा देशले सम्झने विषय व्यङ्ग्यजस्तो छ । हाच्छिउँ गरेन कोरोना भगाउने, बेसारपानी खाएर कोरोना हराउने आदि कुरा लामो समयमा प्रधानमन्त्रीले देशवासीका नाममा दिएका सन्देश हुन् । यो कतै प्रधानमन्त्रीले कुनै विषय र प्रसङ्गमा उठाएका र अरुले व्यङ्ग्य गरेका मान्ने हो भने प्रधानमन्त्री आफैँले आफ्ना कुरा नपत्याएर उडाइएको भनी बारम्बार भनिरहेको अवस्था छ । यतिबेलको आपत्तिको विषय के हो भने वास्तवमा नै प्रधानमन्त्रीले दिएको जानकारी के–कति सही हो भनेर त्यसको अध्ययन गर्न आवश्यक छ ।
क्याटेगोरी : सम्पादकीय
ताजा अपडेट
- टिपर दुर्घटनामा एक जनाको मृत्यु, तीन घाइते
- सुनकोसी मरिण डाइभर्सन : सुरुङ खन्न एक सय १० मिटर बाँकी
- सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
- नीति र नेतृत्वमा एमालेभित्र विवाद छैन : अध्यक्ष ओली
- वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया