कोरोना रोकथाममा अव्यवस्था झन्झन् बढ्दै
झन्झन् पछिल्ला दिन कोरोनाका सन्दर्भमा नयाँ–नयाँ उल्झनहरू देखिन थालेका छन् । एउटा त महामारी झनै बढ्दै छ र अर्को सर्वसाधारणका लागि उपचार झनै जटिल बन्दै छ । तेस्रोमा पर्छ नक्कली कारोबारहरू । जे कुराले कोरोनाको संक्रमणलाई फैलिन दिँदैन भनिएको छ तिनै कुरा नक्कली देखापर्न थाले । यहीबीचमा एउटा अर्को समस्या थपिएको छ उपचार र परीक्षण निःशुल्क हो कि सशुल्क भन्ने ।
एउटै अस्पतालमा समान अवस्थाको र एउटै लाइनमा बसेको एउटा व्यक्तिले निःशुल्क पाउँछ र अर्कोले महँगो शुल्क तिर्नु परिरहेको छ भने यो अव्यवस्थाको चरम अवस्था हो । यो भनेको राज्यको साधनस्रोतमा पक्षपात पनि हो । यो ठाउँमा उल्लेख भएको विवरण सरकारी अस्पतालको हो, जसलाई निःशुल्क गरिएको भनी धेरै प्रचार भएको थियो र भइरहेको पनि छ । यहीबीचमा देशभित्र कोभिड–१९ नेगेटिभ रिपोर्ट आउनेहरू विदेशमा पोजिटिभ बनिरहेका छन् । जब यति संवेदनशील विषयमा नै अनुमतिप्राप्त प्रयोगशालाका प्रतिवेदन शंकाको घेरामा पर्छन् भने अनुमान गरौं स्थिति के होला ।
कोरोना भाइरसको परीक्षण र उपचारमा यतिबेला सरकारी अस्पतालको मापदण्ड के हो भन्ने नै खुल्न सकेन । खासगरी सरकारले सबैलाई सःशुल्क गराएपछि र अदालतले निःशुल्क गराउन आदेश दिएको थियो । तर अहिले उपचारमा नै यस्तो दोहोरो अवस्था देखिन थालेको छ । यसले के गरायो भने कोरोनाका नाममा सरकारी अस्पताल पनि खुलेआम नाफाकारी निकायमा परिणत हुनथाले । यस्तो मापदण्ड निर्धारण गर्दा नै सरकारको अदूरदर्शीता देखियो । लक्षण प्रकट भएका र नभएका भनी दुई थरीका अवस्थालाई दुई थरीकै व्यवहार गर्न भनिएको स्थितिले शुल्क असुल्ने बाटो खोलिदिएको बुझ्न सकिन्छ । जस्तोसुकै अवस्थामा होस् परीक्षण त निःशुल्क नै गर्नुपर्ने हो । यसले सरकारको रोकथामको प्रयासमा धेरै नै ठूलो मदत गर्छ । संसारभरि नै यस्तै भइरहेको छ ।
नेगेटिभ आएका अवस्थामा त टाउको दुखाउने कुरा नै भएन । तर परीक्षणमा पनि लक्षण भएका र नभएका भनी भेद गर्न थालेका अवस्थामा शंका लागेका भरमा मान्छेहरू हम्मेसी जाँच गर्न आउँदैनन् । यसले नोक्सानी सरकारको अभियानमा नै पुग्छ । स्वास्थ्य तथा जनसंख्या मन्त्रालयले कोरोना रोकथामका बारेमा आफ्नो धारणा र रणनीति के हो भन्ने नै भेउ पाउन सकिएन । यस्तो बेला अनुगमन संयन्त्र प्रभावकारी होस् भनी सुझाव दिनुको पनि अर्थ नरहला । कतिसम्म भने उपचारका लागि अस्पताल आएको मान्छेलाई हिँडेर आएको भनी त्यसमा लक्षण नभएको ठहर गरेका समेत रिपोर्ट आएका छन्, जो सरासर गलत हुन् ।
पीसीआर रिपोर्टमा गलत देखिनु त योभन्दा पनि आपत्तिको विषय हो । पछिल्लो समय यहाँको परीक्षणले नेगेटिभ देखाएका यात्रुहरू गन्तव्य देशमा पोजेटिभ देखिए । यो बिरामीभन्दा पनि यात्राको बन्दोबस्ती थियो जसले उनीहरूलाई पनि संकटमा पार्छ । यो यात्राको सन्दर्भ हो । उपचारका क्रममा यस्ता विपरीत रिपोर्ट आए भने त्यसको परिणाम कल्पना पनि गर्न नसक्ने खालको होला । यो भनेको कोरोना सार्न सहयोग गरिरहिएको अवस्था हो । संक्रमित व्यक्ति यो रिपोर्टको आधारमा संक्रमण नभएको भनेपछि त्यसले समाजमा कति संक्रमण फैलाउला अनुमान गर्न सकिन्छ । यस्तो कुरालाई सामान्य नठानियोस् ।
क्याटेगोरी : सम्पादकीय
ताजा अपडेट
- पुल अलपत्र बनाउने निर्माण कम्पनी कालोसूचीमा
- इलाम–२ उपनिर्वाचन :रास्वपाबाट लिम्बू उम्मेदवार
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया