सत्ताधारी नेकपाको केन्द्रीय कमिटीको दोस्रो पूर्ण बैठक राजधानीको राष्ट्रिय सभागृहमा पाँच दिन चलेर सकिएको छ र त्यस बैठकमा मूलरूपमा भ्रष्टाचारविरुद्ध चर्को बहस भएको छ । दुई तिहाइ बहुमतका साथ गठन भएको बलियो सरकारले चलाइरहेको पार्टीको केन्द्रीय कमिटीको बैठकमा हुने बहसले देशको भावि दिशानिर्देश गर्ने भएकाले पनि त्यस बैठकलाई निकै महत्वपूर्ण रूपमा लिइएको थियो । सत्ताधारी दलको बैठकमा केन्द्रीय सदस्यहरूले भ्रष्टाचारको चर्को विरोध गरे । यद्यपि प्रधानमन्त्री केपी शर्मा ओलीले भ्रष्टाचार नै नभएको र सुशासन कायम गर्न कोशिस भैरहेको दलिल पेश गरे । तर, केन्द्रीय सदस्यहरूले प्रधानमन्त्रीको जिकीरपछि पनि भ्रष्टाचारविरुद्ध चर्को स्वर गर्न छाडेनन्, सहभागीहरूले यत्तिको उछित्तो काडे । यहाँसम्म कि भ्रष्टाचारीलाई मृत्युदण्ड दिने व्यवस्था गर्नसमेत माग गरे । पार्टीका नेताहरूको सम्पत्ति छानबिन गर्न पनि माग गरियो ।
एमसीसी र लिम्पीयाधुरा काण्डको उस्तै चर्को विरोध गरेर राष्ट्रिय संरक्षणको पक्षमा आवाज पनि उठ्यो । नेकपा एमाले र नेकपा माओवादी केन्द्रबीचको पार्टी एकतापछिको द्रोस्रो पूर्ण बैठक थियो त्यो । राजनीतिक नेतृत्वमा लगभग भ्रष्टीकरण भैसकेको जनमानसमा चर्चा छ र त्यो राजनीतिक नेतृत्वप्रति जनताले विश्वास र भरोसा गर्न सक्ने अवस्था अहिले छैन । यसरी राजनीतिक नेतृत्वप्रति जनताको विश्वास र भरोसा टुट्दै गयो भने देशमा अराजकता बढ्दै जान्छ र त्यसले निरङ्कुशता जन्माउँछ । ठीक त्यस्तै मोडमा पुगेको बेला केन्द्रीय सदस्यहरूले भ्रष्टीकरणतर्फ उन्मुख नेतृत्वलाई सच्चिन खबरदारी गरेको छ । त्यो चानेचुने कुरो होइन । यो खबरदारीले पार्टी जीवनमा दीर्घकालीन प्रभाव पार्नेछ ।
तर, राष्ट्रिय सभागृहमा त्यसरी कुर्लिएका केन्द्रीय सदस्यहरूलाई प्रधानमन्त्री केपी शर्मा ओलीले राष्ट्रिय ढुकुटी खर्च गरेर भव्य रात्री भोज खुवाए । पार्टीका केन्द्रीय सदस्यलाई खुवाउन त्यसरी राष्ट्रिय ढुकुटी खर्चनु पनि भ्रष्टाचार नै हो । केन्द्रीय सदस्यहरूले सरकारले गरेको भ्रष्टाचारको त्यसरी धुवाधाररूपमा विरोध गरेपछि सरकारी रात्री भोजमा नजानु पर्ने थियो । तर, उनीहरूले पनि एक छाक भात खान्न भन्न सकेनन् । त्यसले उनीहरू पनि मौका नपाउन्जेलको मात्र इमानदार हुन् कि भन्ने शंका उत्पन्न भएको छ ।
क्याटेगोरी : सम्पादकीय
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया