काठमाडौँ । यतिबेला सरकारले खोपमा खोलवाड गरिरहेको जस्तो देखा पर्दै छ । खासगरी संक्रामक रोगका सन्दर्भमा नेपालका लागि छिमेकी देश भारतको अवस्था सधैँ सतर्कताका लागि नमूना र सतर्क भइएन भने खतरनाक हुँदै आएको छ ।
यो कोभिड –१९ को प्रसङ्ग हो । अघिल्लो पटक कतिपय नेपाली नागरिकलाई आफ्नो घर आउन समेत रोकियो । कारण थियो भारतमा कोभिड –१९ को व्यापक विस्तार हुनु । हुन पनि त्यसबेला संक्रमण र त्यसबाट भएको क्षतिमा भारत संसारभरिकै नम्बर एकमा पुग्दै थियो । भीमकाय जनसंख्या भएको भारतमा रातबिहान जसरी यो प्रकोप विस्तार हुँदै गयो त्यसको प्रभाव छिमेकी देश नेपालमा नपरी रहने अस्वस्था थिएन । तर पनि त्यो चरणमा नेपाल केही हदसम्म जोगिएको हो नै ।
केही आफ्ना व्यवस्थापकीय कमजोरी नभएको भए दोस्रो चरणमा जति मानवीय क्षति भयो त्यति पनि हुनेथिएन भन्छन् विज्ञहरू । पछिल्लो समय भारतमा जसरी नयाँ भेरिएन्ट विस्तार हुँदै छ त्यसले नेपालमा पनि अवस्था असामान्यतर्फ लाग्न सकने संकेत गराउँछ बेलैमा सतर्क भइएन भने ।
उता भारतमा हप्तामा झण्डै पाँच गुणाले कोरोना संक्रमित बढ्न थालेका छन् भने यता नेपालमा झन् तीव्रता अपनाउनुपर्ने खोपको विस्तार धीमा हुँदै छ । एउटाचाहिँ के प्रस्ट भयो भने कोभिड–१९ का संक्रमण रोक्ने माध्यम खोप नै हो । जब त्यसलाई धिमी बनाइन्छ अनि सरकारको प्रतिबद्धतामाथि प्रश्न खडा हुन्छ ।
छिमेकी देश भारतमा २४ घण्टामा करिब आधा लाखको संख्याका नयाँ संक्रमित थपिएको पाइयो । एक हप्ताअघि सात हजार ३१ जना नयाँ संक्रमित थपिएका थिए भने त्यसपछिको एकै हप्तामा दैनिक संक्रमितको संख्या पाँच गुणाले वृद्धि भयो । संक्रमणदर मात्रै होइन पछिल्लो २४ घण्टामा कोभिड–१९ बाट मृत्यु हुनेको संख्या पनि बढेको छ ।
योमध्येमा धेरै खतरनताक भनिएको नयाँ ओमिक्रोन भेरियन्टका संक्रमितको संख्या ठूलो छ । त्यसले अहिले भारतको कुनै पनि राज्य छाडेको छैन । हालसम्म २३ राज्यमा यो भेरिएन्ट फेलापरेको त्यहाँको स्वास्थ्य मन्त्राालयले जनाएको छ । मन्त्रालयकै अनुसार ओमिक्रोनका संक्रमितमध्ये सबैभन्दा धेरै महाराष्ट्रमा छन् । ओमिक्रोनका संक्रमित धेरै रहेको सूचीमा दोस्रो स्थानमा छ दिल्ली ।
त्यस्तै, केरला गुजरात तमिलनाडु राजसंस्थान आदि ओमिक्रोन देखा परिसकेका राज्यमा पर्छन् जो नेपालीहरूको अत्यधिक आवतजावत भइरहने ठाउँ हुन् यी । कोरानाको नयाँ भेरिएन्ट ओमिक्रोन अहिलेसम्मको सबैभन्दा तीव्र संक्रमण हुनेमध्येमा पर्छ । त्यस कारण पनि छिमेकी मुलुकमा व्याप्त भएको अवस्थामा नेपलमा सतर्कताको अवस्था कस्तो छ भनेर सरकारलाई घचघच्याउन आवश्यक ठानिएको हो ।
नेपालमा खासगरी नयाँ सरकारको पहिलो घोषणा थियो, आउँदो चैत अन्तिमसम्म कोभिड १९ विरुद्धको खोप सबैले पाइसक्नेछन् भन्ने । खतराको स्थितिले चैतसम्म पनि पर्खन दिँदैन, माथिका विवरणलाई आधार मान्ने हो भने । त्यसमाथि खोपका मात्राहरू पर्याप्त मात्रामा उपलब्ध हुँदाहुँदै पनि यता अभियान भने शिथिल बन्दै गएको आम बुझाइ छ जो खतराको संकेतसँग लड्ने मनसुवा बुझाउँदैन । जस्तो दिनमा पाँच लाख खोप दिने भनियो । तर १५ दिनमा पनि त्यो मात्रा पुगेन ।
पछिल्लो समयको अवस्था कस्तो भने यता खोपचाहिँ पर्याप्त हुनेगरी नियमित आइरहेको छ भने त्यस्तै पर्याप्त हुनेगरी वितरण हुन सकिरहेको छैन । सरकार कति सतर्क छ भन्ने प्रश्न उठेको ठाउँ पनि यही हो । पछिल्लो समय सरकारले नै घोषणा गरेर अतिरिक्त मात्रा दिने भनियो । फेरि रोकियो । यी भनेको खोपमा खेलबाडको अवस्था हो । सरकारले ध्यान देओस् ।
क्याटेगोरी : सम्पादकीय
ताजा अपडेट
- मोटरसाइकल दुर्घटनामा धनुषाका पत्रकार यादवको मृत्यु
- कतारका अमिरको नेपाल भ्रमण: भैरहवा–कतार हवाई उडान सम्झौताका लागि पहल गर्न आग्रह
- सुदूरपश्चिममा रासायनिक मलको अभाव नहुने
- तोलामा रु दुई हजार सात सयले घट्यो सुनको मूल्य
- प्रधानमन्त्रीसँग रुसको चेम्बर्स अफ कमर्स एन्ड इन्डस्ट्रिका प्रतिनिधिमण्डलको भेट
- कतारी अमिरको नेपाल भ्रमण, सुरक्षा व्यवस्था चुस्त
- कतारका अमिरको स्वागतमा सिँगारियो
- सभामुखद्वारा लोकतान्त्रिक सङ्घर्षमा जीवन उत्सर्ग गर्ने सहिदहरूप्रति श्रद्धाञ्जलि अर्पण
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया