काठमाण्डौं,फागुन २२
राजनीतिशास्त्रका विद्यार्थीहरूले यतिञ्जेलसम्म केही नेताहरूलाई चिन्न सकेका रहेनछन् । गत आइतबार भरतमोहन स्मृति फाउण्डेसनले आयोजना गरेको कार्यक्रमलाई सम्बोधन गर्दै पूर्वप्रधानमन्त्री, तत्कालीन माओवादीका अध्यक्ष, बिघटित जनमुक्ति सेनाका सुप्रिम कमाण्डर एवं सत्तारुढ नेकपाका दोस्रो बरियताका अध्यक्ष प्रचण्डले स्वर्गीय भरतमोहन असल अभिभावक मात्र भनेनन्, निष्ठाका प्रतीक अधिकारीलार्ई गुमाउँदा आफूलाई निकै आघात गरेको समेत बताए । प्रचण्डले स्वर्गीय अधिकारीका बारेमा यति धेरै बताएपछि कार्यक्रमा सहभागीले समेत उनीहरूलाई बेलैमा चिन्न नसकेको जस्तो महसुुस गरेका थिए ।प्रचण्ड पहिला शिक्षक थिए र पछि सशस्त्र माओवादी जनमुक्तिका नेतृत्व गरेर धेरै जनधनको क्षतिपछि शान्तिप्रक्रियामा आएका हुन् भने स्वर्गीय अधिकारी सुरुमा विराटनगरमा वकिल थिए । उनी डायरी नामको साप्ताहिक पत्रिका निकाल्थे, २०४६ सालमा बहुदलीय व्यवस्थाको पुनस्र्थापना भएपछि नेकपा मालेसँग नेकपा माक्सवादी विलय हुँदा उनी पनि नेकपा एमालेको नेता बन्न पुगेका हुन् ।
२०४८ सालमा बहुमत पाएको नेपाली कांग्रेसको सरकारले २०५१ सालमा माध्यावधि निर्वाचन गराँउदा नेकपा एमाले सबैभन्दा ठूलो दल बनेपछि अर्थमन्त्री बनेका अधिकारीको आफ्नो गाउँ आफैँ बनाआँै भन्ने कार्यक्रम अत्यन्त जनप्रिय भएको थियो । उनको सरकार भएकै बेला प्रचण्डले जनयुद्ध सुरु गरेर भरतमोहनले अघि सारेको कार्यक्रम अवरुद्ध गरेका थिए । सामान्यतया जनसाधरणले हेर्दा यी दुई नेता एक–अर्काका लागि नदीका दुई किनारा थिए । अहिले भरतमोहन छैनन्, उनी जतिबेला थिए, एक साल त उनले बजेट भाषणको अघिल्लो दिन नै व्यापारीलाई बजेट भाषण लिंक गरिदिए । अर्थात् उनी व्यापारिक घरानाबाट निर्देशित देखिन थालेका छन् र आफ्नै पार्टीको सरकारविरुद्ध नयाँ बखेडा झिकेर सिँगौरी खेलिरहेका छन् । अन्य प्रसङ्गलाई बिर्सिने हो भने यो प्रसङ्गमा चाहिँ अधिकारी र प्रचण्डलाई एक–अर्काका पर्याय नै ठाने पनि हुन्छ । तर, यही कुरा बुझ्न पनि राजनीतिकशास्त्रका विद्यार्थीले प्रचण्डकै मुख ताकेर बस्नुपरेको रहेछ । प्रचण्डलाई सधैँ हत्या, हिंसा, आतङ्कको पर्यायको रूपमा लिइन्थ्यो । तर, उनी मोहन वैद्यजस्ता कम्युनिष्ट नेतालाई नभएर भरतमोहनलाई असल अभिभावक मान्दारहेछन् । उनको यो अभिव्याक्तिले यी दुवैलाई चिन्न ढिला भएको स्पष्ट भएको छ ।
क्याटेगोरी : सम्पादकीय
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया