भिखारीमुक्त देश बनाउने उद्घोष

प्रधानमन्त्री केपी ओलीले मुलुकलाई भीखारीमुक्त देश बनाउने उद्घोष गरेका छन् । यही असोज १३ गते खुला दिसामुक्त देश घोषणा गर्न आयोजित लाजमर्दो समारोहलाई सम्बोधन गर्दै प्रधानमन्त्री ओलीले अर्को उदेक लाग्दो उद्घोष गरेका हुन् । उनले खुला दिसामुक्त देश घोषणा गरे पनि मुलुकमा त्यस्तो अवस्था छैन । राजधानी उपत्यकामा त सार्वजनिक सौचालयहरु छैनन् भने गाउँठाउँ, भीर, पखेरामा त्यस्तो सुविधा हुने कुरै भएन ।

पूर्वाधारबिना नै दक्षिण एसियामै पहिलो हुनका लागि मात्रै भए पनि खुला दिसामुक्त देश घोषणा गरिएको हो भने त्यो पनि बौलठ्ठीपूर्ण नै मान्नु पर्दछ । होइन भने अहिले हाम्रोजस्तो गरिब, पूर्वाधारबिनाको देश खुला दिसामुक्त हुनै सक्दैन । गोठालो जाँदा वा घाँस दाउरा गर्न वन जाँदा अथवा मेलापात जाँदा होस् वा बाटोमा मात्रा गर्दा नै किन नहोस् सार्वजनिक सौचालय नभएकाले सबैले खुला ठाउँमै सौच गर्नु परम्परा छ । त्यस्तो विकराल यथार्थ हुँदा हुँदै त्यसलाई देखेको नदेख्यै गरेर मुलुकलाई खुला दिसामुक्त घोषणा गर्नु क्रुर मजाकबाहेक केही होइन । त्यसमाथि पनि सोही कार्यक्रममा मुलुकलाई माग्नेमुक्त बनाउने उद्घोष गर्नु अर्को उदेक लाग्दो कुरा हो ।

हाम्रो देशमा संसदीय प्रजातन्त्र छ । दलहरु चुनावी प्रतिस्पर्धा गर्छन् । राजनीतिक दलले उम्मेदवार तोक्छन् । उम्मेदवारहरु चुनावी मैदानमा होमिन्छन् । त्यसका लागि पैसा खर्च हुन्छ । रकम खर्च नगरी कार्यकर्ता परिचालन हुँदैन । उम्मेदवार उठाउने दलको नियमित आम्दानीको ठोस् स्रोत छैन । निर्वाचन आयोगले अरु देशमा जस्तो दललाई अनुदान दिने व्यवस्था पनि छैन । उम्मेदवारले नै आप्mनो खर्च आफैँ जुटाउनु पर्दछ । उसले चुनावी खर्च आफ्नै पैत्रिक सम्पत्ति बेचेर गर्दैन । उसले सबै खर्च साहुमहाजन, उद्यमी व्यापारी, देशी विदेशी माफिया जोसँग जति पायो, रकम मागे र खर्च गर्दछन् ।

माग्ने मुक्त बनाउने घोषणा गर्ने प्रधानमन्त्री ओली स्वयम्ले त्यस्तै विदास्पद व्यापारीहरुसँग रकम मागेर केही समय अघि सिंगापुर गएर आफ्नो उपचार गरेर आएको कुरा बिर्सन सकिँदैन । किनकि सरकारले उनको उपचार खर्च नव्यहोर्ने निर्णय गरेको छ र उनले त्यो खर्चको स्रोत अहिलेसम्म सार्वजनिक गर्न सकेका छैन । तर उनैले यो देशलाई माग्नेमुक्त बनाउँछु भनेर कसरी मुक्त हुन्छ ? त्यो मुक्त हुन् पहिला प्रधानमन्त्री माग्ने हुनु भएन, सरकारले विदेशीसँग भीख मागेझैँ मागेर देश चलाउनु भएन, मन्त्रीहरुले ठेकेदारसँग कमीशन माग्न छाड्नु प-यो, उम्मेदवारले माफियासँग पैसा मागेर चुनाव लड्नु भएन । नत्र कसरी मुलुकलाई भिखारीमुक्त भन्न सकिन्छ ?

प्रधानमन्त्रीले जनउत्तरदायी बन्न सिक्नु प-यो, जे मुखमा आयो त्यही बोल्ने वानी छाड्नु प¥यो । उनी यसरी चिया गफका खिसिट्यौरीको पात्र बनेर प्रस्तुत हुनु भएन । यहाँ सडकमा बसेर माग्ने पनि छन्, टाइसुट लगाएर माग्ने पनि छन् । मठमन्दिरअगाडि बसेर माग्ने पनि छन् । घरघरमा गएर माग्ने छन् तर ती सबै माग्ने नै हुन् । तीमध्येको भीखारी हुन् र को होइनन्, त्यो पनि प्रधानमन्त्रीले नै छुट्याइदिनुपर्ने हुन्छ अब ।


सहकारी–कृषि
कर्पोरेट
अन्तर्वार्ता

‘भ्रमण वर्ष २०२० बाट गुणात्मक पर्यटनमा जोड दिई पर्यटकको संख्यामा वृद्धि गर्न सक्छौं’

सरकारले २०७४ साउन २९ गते ‘नेपाल भ्रमण वर्ष २०२०’ मनाउने घोषणा गरेको थियो । भ्रमण वर्षमा २० लाख पर्यटक नेपाल भित्र्याउने सरकारको लक्ष्य रहेको छ । सरकारले भ्रमण वर्षको सन २०२० मा २० लाख पर्यटक नेपाल भित्र्याउने लक्ष्य...

बच्चु श्रेष्ठ पर्यटन व्यवसायी तथा पर्यटन परामर्शदाता
कार्टून
cartoon

भिडियो
cyberlink adds

हाम्रो बारेमा

आर्थिक दैनिक चाहना पब्लिकेसन प्रा.लि.द्वारा प्रकाशित पूर्ण आर्थिक दैनिक पत्रिका हो ।

सम्पर्क

Chahana Publication (Pvt.) Ltd. , Aarthik National Daily (Aarthik Rastriye Dainik)

Setodewal Marg, Kupondole, Lalitpur

Tel : +977-1-5554236

Fax : +977-1-5523181

Email : aarthik.dainik@gmail.com

Marketing Email : marketing.arthikdainik@gmail.com