इस्लामावाद, वैशाख १५
एसियाली विकास बैंक (एडीबी)ले पाकिस्तानलाई १ अर्ब ७० करोड अमेरिकी डलर ऋण दिने भएको छ । जुनसम्ममा प्रस्तावित रकमको आधा र यो वर्षको अन्त्यसम्ममा उक्त पूरै रकम प्रदान गरिने एडीबीले प्रतिबद्धता जनाएको छ ।
पाकिस्तानी आर्थिक मामिला मन्त्रालयले शुक्रबार एक वक्तव्यमार्फत एडीबीले कोभिड–१९ विरुद्ध लड्न उक्त रकम दिने प्रतिबद्धता जनाएको उल्लेख गरेको छ । यसमा बजेटरी सहयोगस्वरुप जुनसम्म ८० करोड डलर समावेश हुनेछ । बाँकी ९० करोड डलर भने डिसेम्बरसम्म प्राप्त हुनेछ । एडीबीले बजेटरी सहयोग भने बढाउन सक्ने पनि जनाइएको छ । अर्थमन्त्री मखदूम खुस्रो बाख्तियार र एडीबी अध्यक्ष मासात्सुगु आसाकावाले भर्चुअल बैठक गरेका थिए ।
पाकिस्तानमा हालसम्म १३ हजार २ सय ३६ जनामा विश्व महामारी कोरोनाभाइरस संक्रमण भेटिएको छ भने २ सय ७७ जनाको मृत्यु भइसकेको छ । त्यस्तै २ हजार ८ सय ६६ जना उपचारपछि स्वस्थ भएका छन् । पाकिस्तानको सिन्ध र पञ्जाब राज्यमा कोरोना संक्रमित धेरै भेटिएको डन अनलाइनले जनाएको छ ।
क्याटेगोरी : विश्व बजार
ताजा अपडेट
- दशैं बिदा अघिको अन्तिम दिनको शेयर बजार
- साल्ट ट्रेडिङ कर्पोरेसन लिमिटेडद्वारा प्रधानमन्त्री दैवी प्रकोप राहत कोषमा ६० लाख हस्तान्तरण
- बिहीबार हनुमानढोका दसैँ घरमा फूलपाती भित्र्याइँदै
- डेङ्गुबाट गण्डकीमा सातजनाको मृत्यु
- मनसुन क्रमश: कमजोर हुँदै
- नेपाली नेत्ररोग विशेषज्ञ बङ्गलादेशका घाइतेको आँखा उपचारमा तल्लीन
- जीवित देवी कुमारीलाई पचली भैरवको दर्शन गराइयो
- आश्विन शुक्ल षष्ठी: कात्यायनीको पूजा आराधना गरिँदै
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया