भारतको मध्यप्रदेशमा दैनिक १२ हजार पीपीई उत्पादन
नयाँ दिल्ली, वैशाख १६
भारतको मध्य प्रदेश राज्यमा दैनिकरूपमा १२ हजार व्यक्तिगत सुरक्षा पोशाक (पीपीई) उत्पादन भइरहेको छ । कोरोनाभाइरसबाट संक्रमणको आशंका गरिएका वा संक्रमण भएका विरामीहरुलाई उपचार गर्ने स्वास्थ्यकर्मीहरुले पीपीई लगाउनुपर्ने भएकोले अहिले पीपीईको माग बढिरहेको छ । सरकारी अधिकारीका अनुसार मध्य प्रदेशमा दैनिक दश हजार पीपीईको माग भइरहेको छ । कोरोनाभाइरसको महामारी सुरु भएदेखि यस राज्यमा अहिलेसम्म झण्डै एक लाख ५० हजार पीपीई उत्पादन भइसकेको छ ।
उत्पादन भएकामध्ये करिब ७५ हजार पीपीई इन्दौर र भोपालमा पठाइएको प्रादेशिक औद्योगिक विकास केन्द्रका प्रवन्ध निर्देशक कुमार पुरुषोत्तमले जानकारी दिए । ‘मध्यप्रदेश राज्यमा दैनिक दश हजार पीपीईको आवश्यकता पर्दछ, जब कि दैनिक १२ हजार उत्पादन हुँदै आएको छ’, उनले भने । उनले प्रकाशित गरेको एउटा विज्ञप्तिमा करिब ४० हजार पीपीई भोपाल र इन्दौरमा भण्डारण गरेर राखिएको उल्लेख छ । उनीहरुले कतिपय अन्य जिल्लाहरुमा ती पीपीई पठाउन पनि थालेको वक्तव्यमा जनाइएको छ ।
उनले स्थानीय अधिकारीको सिफारिसका आधारमा ती पीपीईहरु पठाउने गरिएको पनि जानकारी दिए । एउटा भिडियो बैठकका क्रममा राज्यका मुख्यमन्त्री शिवराज सिंह चौहानले रक्षा अनुसन्धान तथा विकास संगठनले अनुमोदन गरेर पीपीई उत्पादन गर्न थालिएको जानकारी दिए । राज्य सरकारले नागरिकलाई अत्यावश्यक पर्ने मास्क पनि उत्पादन गरेर सुपथ मूल्यमा उपलब्ध गराइरहेको छ ।
क्याटेगोरी : विश्व बजार
ताजा अपडेट
- बाह्र वर्षमै एसइई परीक्षा दिँदै पर्वतका एक छात्र
- कांग्रेस पुन: सरकारमा जान्छ : महामन्त्री थापा
- मिटर ब्याजका पाँच मुद्दामा मिलापत्र
- पेस्तोलसहित कपनबाट एकजना पक्राउ
- सहकारीमा गरेको बचत सुनिश्चित गर्न माग
- बाँकेमा बालविवाह न्यूनीकरण चुनौतीपूर्ण
- निर्माण व्यवसायीले सम्झौताबमोजिम काम नगर्दा योजनाका काम समयमै सम्पन्न भएन : प्रधानमन्त्री
- जलस्रोतमा सबैभन्दा बढी जलवायु परिवर्तनको असर परेको छ : मन्त्री बस्नेत
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया