बंगलादेशमा १३ वर्षयताकै उच्च मूल्यवृद्धि

ढाका । बंगलादेशमा महँगी वृद्धिदर १३ वर्षयताकै उच्च भएको छ । गत जुलाईमा मूल्यवृद्धि दर (मुद्रास्फीति दर) ११ दशमलव ६६ प्रतिशत पुगेको छ । जुन १३ वर्षयताकै सबैभन्दा बढी वृद्धि दर रहेको बङ्लादेशको तथ्याङ्क विभाग (बीबीएस)ले सोमबार जनाएको छ ।

मुख्यतया खाद्यान्नको मूल्य वृद्धिका कारण मूल्यवृद्धिदर अस्वाभाविकरुपमा बढेको विभागको तथ्याङ्कले जनाएको छ  । गत जुन महिनामा मूल्यवृद्धि दर नौ दशमलव ७२ प्रतिशत रहेको बीबीएसको तथ्याङ्कले देखाएको छ ।

बीबीएसका अनुसार खाद्य मूल्यवृद्धि जुलाईमा १४ दशमलव १० प्रतिशतले बढेको छ, जुन एक दशकको अवधिमा सबैभन्दा बढी हो । यसैगरी जुन महिनामा पनि खाद्य मूल्यवृद्धि दर १० दशमलव ४२ प्रतिशत थियो । गैरखाद्य पदार्थको मूल्यवृद्धिदर पनि जुनमा नौ दशमलव १५ प्रतिशतबाट बढेर जुलाईमा नौ दशमलव ६८ प्रतिशत पुगेको तथ्याङ्कले देखाएको छ ।

आर्थिक वर्ष २०२३/२४ मा देशको औसत मूल्यवृद्धिदर बढेर नौ दशमलव ७३ प्रतिशत पुगेको छ जुन यस आर्थिक वर्षका लागि तय भएको बजेटको लक्ष्यभन्दा धेरै हो । तथ्याङ्कअनुसार अघिल्लो आर्थिक वर्ष २०२२/२३ मा बंगलादेशको मूल्यवृद्धिदर नौ दशमलव शून्य दुई प्रतिशत थियो ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Inline Feedbacks

View all comments