रुस । सन् २०२२ फेब्रुअरी २४मा सुरु भएको रुस–युक्रेन युद्धले मंगलबार नौ सय दिन पूरा गर्यो । साढे दुई वर्षदेखि चलिरहेको यो युद्धमा पछिल्लो साता रुसका लागि निकै खराब साबित भएको छ । युक्रेनले पहिलो पटक रुसमाथि प्रहार गरेको छ ।
युक्रेनी राष्ट्रपति मेलोडिमिर जेलेन्स्कीले मंगलबार साँझ देशलाई सम्बोधन गर्दै आफ्नो सेनाले रुसको कुस्र्क क्षेत्रका ७४ वटा गाउँ कब्जा गरेको बताएका छन् । उनले युक्रेनी सेनाले रुसी सेनालाई नियन्त्रणमा लिएर अगाडि बढिरहेको बताए ।
युक्रेनले गरेको अकस्मात आक्रमणपछि दुई लाख रुसी नागरिक घर छाडेर भागेका छन् । युक्रेनले रुसको एक हजार वर्ग किलोमिटर क्षेत्र कब्जा गरेको छ । दोस्रो विश्वयुद्धपछि कुनै पनि देशले रुसको सीमामा घुसपैठ गरेको यो पहिलो पटक हो ।
अमेरिकास्थित युद्ध अध्ययन संस्थान (आईएसडब्लू) का अनुसार रुसले २०२४ मा युक्रेनको एक हजार एक सय ७५ वर्ग किलोमिटर क्षेत्र कब्जा गरेको छ ।
बेलगोरोड क्षेत्रमा सङ्कटकाल घोषणा
रुसले बेलगोरोड क्षेत्रमा क्षेत्रीय सङ्कटकाल घोषणा गरेको छ । युक्रेनी गतिविधिलाई मध्यनजर गर्दै रुसले सङ्कटकालको घोषणा गरेको गभर्नर व्याचेस्लाभ ग्लेडकोभले बुधबार जानकारी दिएका छन् । उनले द्विपक्षीय द्वन्द्वका कारण बेलगोरोड क्षेत्रको अवस्था अत्यन्त तनावपूर्ण रहेको बताएका छन् । युक्रेनी सशस्त्र बलले निरन्तर गोलाबारी गर्दा त्यस क्षेत्रका घरहरू ध्वस्त हुनुका साथैै नागरिकको मृत्यु तथा घाइते भएको उनले बताए ।
जनतालाई थप सुरक्षा प्रदान गरी प्रभावितहरूलाई थप सहयोग प्रदान गर्न बुधबारदेखि सम्पूर्ण बेलगोरोड क्षेत्रमा सङ्कटकालीन अवस्था घोषणा गरिएको छ, टेलिग्राममार्फत जारी विज्ञप्तिमा उनले भने । क्षेत्रीय सरकारले संघीयस्तरमा सङ्कटको घोषणाका लागि अनुरोध गर्न संघीय आयोग समक्ष चाँडै अपिल गर्ने तयारीसमेत गरिरहेको गभर्नर ग्लेडकोभले बताए ।
क्याटेगोरी : विश्व बजार
ट्याग : #Page 5
ताजा अपडेट
- पलेसालाई गण्डकी सरकार र पोखरा महानगरको सम्मान
- मितेरी बचत तथा ऋण सहकारी संस्थाको रकम अपचलनमा सिआइबीको अनुसन्धान सुरु
- बजार परिसुचक २६ सय ३७ बिन्दुमा
- उद्योगको विरोधबीच अमेरिकाले चिनियाँ वस्तुमा बढायो कर
- जापानमा गर्मी
- बंगलादेशमा नियमित विद्युत् आपूर्तिमा समस्या
- पाकिस्तानलाई एडीबीको ऋण सहयोग
- रूस र युक्रेनबीच २०६ युद्धबन्दी आदानप्रदान
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया