१२ वर्षसम्म ३० मिनेट मात्र सुत्ने जापानी पुरुष

टोकियो । जापानका एक व्यक्ति विगत १२ वर्षदेखि दिनमा ३० मिनेट मात्र सुत्ने गरेका छन् । डाइसुके होरी नामका ४० वर्षीय पुरुषले आफूले आफ्नो शरीर र दिमागलाई ३० मिनेटभन्दा बढी निदाउनु नपर्ने गरी प्रशिक्षित गरेको बताएका छन् । उनले आफ्नो काम गर्ने क्षमता बढाउन कम निदाउने गरेको बताएका छन् ।

होरी पेसाले व्यवसायी हुन् । उनी हप्ताको १६ घण्टा जिममा बिताउँछन् । साउथ चाइना मर्निङ पोस्टका अनुसार होरीले १२ वर्ष पहिले कम सुत्ने बानी सुरु गरेका थिए । उनले सन् २०१६ मा जापान सर्ट स्लीपर ट्रेनिङ एसोसिएसन पनि खोलेका थिए । त्यहाँ उनले जनतालाई स्वास्थ्य र निद्रासम्बन्धी कक्षाहरू दिन्छन् ।

होरिले आफ्नो ट्रेनिङ सेन्टरमा हालसम्म २१ सय विद्यार्थीलाई थोरै समय सुत्दा पनि स्वस्थ रहने उपाय सिकाएका छन् । होरीले भने, ‘जबसम्म खेलकुद र व्यायाम गरिरहनुभएको छ, तबसम्म कुनै समस्या हुँदैन । खाना खानुभन्दा एक घन्टाअघि कफी पिउनु पनि यसमा फाइदाजनक हुन्छ । यसले निद्रा र थकान दुवैलाई रोक्छ ।

जापानको योमिउरी टीभीले पनि होरीको दिनचर्यामा शो गरेको थियो । यसमा टीभीले होरीको तीन दिनको सम्पूर्ण कार्य दिन रेकर्ड गरेको थियो । यस अवधिमा एक दिन उनी २६ मिनेट मात्र सुते । धेरै घन्टा सुत्नुभन्दा राम्रो निन्द्रा महत्वपूर्ण हुने होरी बताउँछन् । ‘हामी केही समयको लागि पनि राम्रोसँग सुत्न सक्छौँ भने, लामो निद्राको आवश्यकता पर्दैन’, उनले भने ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Inline Feedbacks

View all comments