चाइना गेजुवाले पाकिस्तानमा जलविद्युत् परियोजना बनाउने
इस्लामाबाद, असार २४
चीन र पाकिस्तानबीच डेढ अर्ब अमेरिकी डलरको जलविद्युत् परियोजना निर्माण गर्नेसम्बन्धी सम्झौतामा हस्ताक्षर भएको छ । चीनको चाइना गेजुवाले पाकिस्तानको झेलुम नदीमा ७ सय मेगावाटको जलविद्युत् परियोजना निर्माण गर्ने सम्झौता गरेको हो । पाकिस्तानी मिडियाका अनुसार प्रधानमन्त्री इमरान खानले चाइना पाकिस्तान आर्थिक करिडोर (सीईपीसी)लाई पाकिस्तानको ‘खेल परिवर्तन’को संज्ञा दिएका छन् । यसले पाकिस्तानलाई समृद्ध र उन्नत बनाउने दाबी गरेका छन् ।
सोमबार पाकिस्तानी प्रधानमन्त्रीको कार्यालयमा चीनको चाइना गेजुबासँगको हस्ताक्षर कार्यक्रममा उपस्थित हुँदै प्रधानमन्त्री खानले यो परियोजनाले पाकिस्तानलाई समृद्धिको उचाइमा पु-याउने बताए । दुई देशबीच आजाद पाटन जलविद्युत् परियोजना निर्माणको सम्झौता भएको हो । उदाउँदो आर्थिक महाशक्ति चीनबाट पाकिस्तानले सिक्नसक्ने बताउँदै उनले सीईपीसी मातहत रहेर परियोजना निर्माण हुनलागेकोमा खुसी व्यक्त गरे ।
चीनले विगत ३० वर्षमा ठूलो प्रगति हासिल गरेकाले त्यो पाकिस्तानका लागि पाठ हुने बताए । सीईपीसी सडक यातायातमा केन्द्रित करिडोर भए पनि जलविद्युत् परियोजना समेत यसमा जोडिएको उनले बताए । सोअनुसार ७००.७ मेगावाट क्षमताको उक्त परियोजनामा डेढ अर्ब अमेरिकी डलर लगानी हुनेछ ।
यो परियोजना झेलुम नदीको हो भने सन् २०२६ सम्म निर्माणसम्पन्न हुने बताइएको छ । दुई देशले सहकार्यबाट फाइदा लिनसक्ने आशा प्रधानमन्त्री खानले व्यक्त गरेको डन अनलाइनले जनाएको छ । खानले यो परियोजना स्वच्छ ऊर्जामा आधारित भएको बताए । यसले मानिसहरुलाई भार नपार्ने उनको दाबी छ ।
उनले यसअघिका सरकारको समेत आलोचना गर्दै ती परियोजनाजस्तो यो परियोजना खर्चालु नहुने दाबी गरे । प्रधानमन्त्री खानका अनुसार गत १० दिनमा ४ अर्ब अमेरिकी डलर लगानी भित्र्याउने गरी १८ सय मेगावाटका न्यून लागतका परियोजनामा हस्ताक्षर भइसकेको छ । यी परियोजनाले ८ हजार स्थानीयलाई रोजगारी समेत दिने उनको भनाइ छ ।
क्याटेगोरी : विश्व बजार
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया