भारतमा कोरोना भाइरस संक्रमितको संख्या सात लाख ४२ हजार नाघ्यो
नयाँँ दिल्ली, असार २५
भारतमा मंगलबार कोभिड–१९ का २२ हजार ७ सय ५२ नयाँ बिरामी थपिएपछि संक्रमितको करिब सात लाख ४२ हजार नाघेको छ । भारत हालसम्म कुल सक्रमितको संख्या सात लाख ४२ हजार ४ सय १७ जना पुगेको केन्द्रीय स्वास्थ्य तथा परिवार कल्याण मन्त्रालयले बुधबार जानकारी दिएको छ । भारतमा मंगलबार थप २२ हजार ७ सय ५२ व्यक्तिमा संक्रमण पुष्टि भएको र ४ सय ८२ संक्रमितको मृत्यु भएको मन्त्रालयद्वारा सार्वजनिक गरिएको प्रेस विज्ञप्तिमा जानकारी गराइएको छ । भारतमा हालसम्म कोरोना भाइरसबाट २० हजार ६ सय ४२ जनाको मृत्यु भइसकेको छ ।
विज्ञप्तिका अनुसार बुधबार विहानसम्म ४ लाख ५६ हजार ८ सय ३० संक्रमित निको भई अस्पतालबाट घर फर्किएका छन् । अझै पनि २ लाख ६४ हजार ९ सय ४४ व्यक्तिले संक्रमित रहेका छन् भने उनीहरू देशभरका सयौँ अस्पतालमा उपचार गराइरेहका छन् । भारतमा कोरोना भाइरसका कारण सबैभन्दा बढी प्रभावित महाराष्ट्र राज्य रहेको छ र यहाँ २ लाख १७ हजार १ सय २१ संक्रमित रहेका छन् भने ९ हजार २ सय ५० जनाको मृत्यु भएको छ । दोस्रो स्थानमा तमिलनाडु रहेको छ र यहाँ १ लाख १८ हजार ५ सय ९४ जना संक्रमित रहेका छन् भने १ हजार ६ सय ३६ जनाको मृत्यु भएको छ ।
तेस्रो स्थानमा राष्ट्रिय राजधानी समेत रहेको दिल्ली प्रदेश रहेको छ । यहाँ १ लाख २ हजार ८ सय ३१ जनामा कोरोना भाइरस संक्रमण रहेको छ भने ३ हजार १ सय ६५ जनाको मृत्यु भएको छ । भारतमा अहिले लकडाउनलाई खुकुलो पार्दै कोभिड–१९ विरूद्धको दोस्रो चरणको अभियानलाई अभ्यासमा ल्याइएको छ । भारतीय नागरिक उड्डयन प्राधिकरणले यही जुलाई ३१ सम्मका लागि व्यावसायिक अन्तराष्ट्रिय उडानलाई सञ्चालनमा नल्याउने जानकारी गराएको छ भने भारतीय बजारमा निश्चित मापदण्ड तोकी बजारलाई चलायमान बनाउन संक्रमणको अवस्था हेरी सामाजिक दूरी कायम गरी पसल तथा उद्योगलाई सञ्चालनमा ल्याएको छ ।
विश्वमा पाँच लाख ४७ हजारभन्दा बढीको मृत्यु : यसैबीच, कोरोना भाइरस (कोभिड १९) बाट विश्वभर मृत्यु हुने व्यक्तिको संख्या ५ लाख ४७ हजार ४१९ पुगेको छ । साथै यस संक्रमणबाट विश्वभर १ करोड १९ लाख ८४ हजार १०७ जना संक्रमित भएका विश्व स्वास्थ्य संगठन (डब्लुएचओ) द्वारा आफ्नो दैनिक प्रेस विज्ञप्तिमा जानकारी दिइएको छ । बुधबारसम्म प्राप्त समाचारअनुसार कोरोना भाइरसका कारण बिरामी भएका ६९ लाख २७ हजार ५ सय ५ जना निको भएका छन्.। हाल विश्वभरमा कोरोना भाइरस संक्रमित करिब ४५ लाख ९ हजार १ सय ८३ व्यक्ति उपचाररत रहेका छन् । संक्रमितहरुमा ५८ हजार २ सय ४५ जनाको अवस्था गम्भीर रहेको जनाइएको छ ।
चीनको हुबे प्रान्तको वुहान शहरबाट गत वर्षको डिसेम्बरको अन्त्यबाट सुरु भएको कोरोना भाइरस संक्रमणको कारण अमेरिका सबैभन्दा बढी प्रभावित भएको छ । डब्लुएचओका अनुसार संयुक्त राज्य अमेरिकामा मात्र ३० लाख ९७ हजार ५ सय ३८ जनामा कोरोना भाइरसका संक्रमित रहेका छन् । यस प्रकोपका कारण अमेरिकामा १ लाख ३३ हजार ९ सय ९१ व्यक्तिको मृत्यु भइसकेको बताइएको छ । दक्षिण अमेरिकामा २६ लाख १४ हजार ९ सय ३१ जना कोरोना भाइरस संक्रमति रहेका छन् । यहाँ ९६ हजार ८ सय ३२ जनाको मृत्यु भएको छ ।
उत्तर अमेरिकामा ३६ लाख २८ हजार ७ सय ९७ जना कोरोना भाइरस संक्रमति रहेका छन् । यहाँ १ लाख ७८ हजार ६ सय ७४ जनाको मृत्यु भएको छ । युरोपमा २५ लाख ३ हजार ६ सय ३१ जना कोरोना भाइरस संक्रमित रहेका छन् भने १ लाख ९४ हजार ७ सय ८२ को मृत्यु भएको छ । एसिया २७ लाख ७ सय ४६ जनामा कोरोना भाइरस संक्रमण रहेको छ भने ६४ हजार ८ सय ६७ जनाको मृत्यु भएको छ ।
क्याटेगोरी : विश्व बजार
ताजा अपडेट
- ताक्लाकोट जान सीमा पास लिने बढ्दै
- अष्ट्रेलियाको बेरोजगारी दर बढ्यो
- प्यालेस्टाइनी क्षेत्रमा सहयोगका लागि राष्ट्र संघको अपिल
- ६२० किमी रेन्ज दिने प्रिमियम ईभी यसयुभी सार्वजनिक
- १० करोड लगानीमा ‘त्रिशुली भिल्ला’ सञ्चालनमा
- सामसङको ग्यालेक्सी एम१४ एलटीई सार्वजनिक
- ग्लोबल आइएमई बैंक र हब इन्टरनेसनल एजुकेसनबीच समझदारी
- मुक्तिनाथ विकास बैंक र फाइनान्स फ्रेन्डबीच समझदारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया