अन्तर्राष्ट्रिय बजारमा आकाशिदै सुनको मूल्य
काठमाडौं साउन १२
केही दिनयता सुनको मूल्य प्रायः सबै देशमा बढिरहेको छ । भारतलगायत अन्तर्राष्ट्रिय बजारमा सुनको मूल्य आकाशिएको हो । त्यस्तै चाँदीको मूल्य पनि उच्च दरमा बढिरहेको छ । विश्वबजारमा गत शुक्रबार सुन १९ सय अमेरिकी डलर प्रतिऔंससम्म पुगेको थियो । यो सन् २०११ पछिकै महंगो हो । यसरी सुन बढ्नुमा अमेरिका र चीनबीचको तनाव र कोरोना महामारीलाई मुख्य कारण मानिएको छ । छिमेकी देश भारतमा सुन प्रति १० ग्रामको ५१ हजार १० भारुमा र चाँदी प्रतिकिलो ६१ हजार भारुको स्तरमा पुगेको भारतीय मिडियाले उल्लेख गरेका छन् ।
यो हप्तामात्रै भारतमा सुन ४ प्रतिशतले बढेको छ । शुक्रबार भारतमा शून्य दशमलव ६ प्रतिशतले बढ्दा प्रति १० ग्रामको ५१ हजार १० भारु पुगेको थियो । भारतमा ५१ हजार १ सय ८४ भारुसम्म प्रति १० ग्राम सुनको मूल्य पुगेको बताइएको छ । त्यस्तै भारतमा चाँदी पनि १५ प्रतिशतले बढेर ६१ हजार २ सय २१ भारु प्रतिकिलो मूल्यसम्म यो हप्ता पुगेको थियो । सुनको मूल्य अझै बढ्नसक्ने विश्लेषण गरिएको छ । भारतमा ६३ देखि ६५ हजार भारुसम्म सुनको मूल्य बढ्नसक्ने आँकलन गरिएको छ । सन् २०२० को सुरुतिर भारतमा ३९ हजार भारु प्रति १० ग्राम मूल्य रहेको सुनको भाउ ५१ हजार भारुसम्म पुगिसकेको छ ।
अप्ठ्यारो अवस्थामा सुनको भाउ आकाशिने गरेको छ । सन् १९७९ मा विश्वमा धेरै युद्ध भएको बेला १ सय २० प्रतिशतसम्म बढेको थियो । सन् २०१४ मा सिरिया–अमेरिका तनाव सुरु हुँदै गर्दा पनि आकाशिएको थियो । तर पछि पुरानै अवस्थामा फर्किएको थियो । चीन र अमेरिकाबीच तनावको स्थिति सुरु हुँदा अहिले पनि सुनको भाउले आकाश छुने गरेको छ ।
नेपालमा पनि उच्च कीर्तिमान : यसैबीच, भारतलगायत अन्तर्राष्ट्रिय बजारमा सुनको भाउ उच्च दरमा बढ्दा नेपालमा पनि त्यसको असर गरेको छ । आइतबार मात्रै सुनको भाउ ५ सय रुपैयाँले बढेर प्रतितोला ९६ हजार ३ सय रुपैयाँको उच्च कीर्तिमान बनाएको छ । नेपाल सुनचाँदी व्यवसायीका अनुसार शुक्रबारको मूल्यमा उक्त रुपैया बढेर छापावाल सुन प्रतितोला ९६ हजार ३ सय रुपैयाँमा कारोबार भएको हो ।
त्यस्तै तेजाबी सुन ९५ हजार ८ सय ६० रुपैयाँमा कारोबार भएको छ । शुक्रबार छापावाल सुन ९५ हजार ८ सय र तेजाबी सुन ९५ हजार ३ सय ६५ रुपैयाँमा कारोबार भएको थियो । चाँदी पनि प्रतितोला ५ रुपैयाँ महंगो भएको छ । आइतबार चाँदी प्रतितोला ११ सय ५५ रुपैयाँमा कारोबार भएको छ । शुक्रबार चाँदीको मूल्य प्रतितोला ११ सय ५० रुपैयाँ थियो ।
क्याटेगोरी : विश्व बजार
ताजा अपडेट
- बाह्र वर्षमै एसइई परीक्षा दिँदै पर्वतका एक छात्र
- कांग्रेस पुन: सरकारमा जान्छ : महामन्त्री थापा
- मिटर ब्याजका पाँच मुद्दामा मिलापत्र
- पेस्तोलसहित कपनबाट एकजना पक्राउ
- सहकारीमा गरेको बचत सुनिश्चित गर्न माग
- बाँकेमा बालविवाह न्यूनीकरण चुनौतीपूर्ण
- निर्माण व्यवसायीले सम्झौताबमोजिम काम नगर्दा योजनाका काम समयमै सम्पन्न भएन : प्रधानमन्त्री
- जलस्रोतमा सबैभन्दा बढी जलवायु परिवर्तनको असर परेको छ : मन्त्री बस्नेत
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया