कोरोना महामारीकै बीच हुन्डाईले बेच्यो ४१ हजार गाडी

भारत, साउन १८
कोरोना महामारीकै बीच सवारीसाधन निर्माता हुन्डाईले जुलाई महिनामा ४१ हजार ३ सय गाडी बिक्री गरेको छ । भारतीय सञ्चारमाध्यमका अनुसार हुन्डाई मोटर इन्डिया लिमिटेडले ३८ हजार २ सय गाडी भारतमा र ३ हजार १ सय गाडी निर्यात गरेको हो । कोरोना फैलिएपछि अटोमोबाइल क्षेत्रले पनि नराम्रो असर सामना गर्नुपरेको थियो ।

महामारीका कारण मानिसहरुले सार्वजनिक यातायातभन्दा निजी सवारी रोज्न थालेका छन् । कम्पनीले देशको आर्थिक क्षेत्र चलायमान पार्ने प्रयास गरिरहेको दाबी गरेको छ । कम्पनीका अनुसार जुलाई २०२० मा कुल ३८ हजार २ सय गाडी भारतमै बिक्री भएको छ । अघिल्लो वर्षको सोही अवधिको तुलनामा ९८ प्रतिशत बिक्री हो । कम्पनीका क्रेटा, भेन्यु, वर्ना, इलाइट आई२० र निओ गाडीहरुको सर्वाधिक माग आइरहेको छ ।