चीनमा कृषिजन्य उत्पादनको थोक मूल्यमा गिरावट

बेइजिड., साउन १८
चीनमा कृषिजन्य उत्पादनको थोक मुल्यमा अत्यधिक गिरावट भएको छ । कृषि तथा ग्रामिण मामिला मन्त्रालयले शुक्रबार दिएको जानकारी अनुसार अघिल्लो दिनभन्दा ०.०५ अंकले तल झरेको छ । शुक्रबार दिउसो २ बजेसम्मको औसत थोक मूल्यअनुसार सुगुरको प्रतिकेजी मासुमा ०.३ प्रतिशतले गिरावट आएको हो । त्यसैगरी प्रतिकेजी अण्डामा २.७ प्रतिशतसम्म मूल्य घटेको छ । अधिकारीहरुले मुख्य मुख्य २८ प्रकारका तरकारीको प्रति केजीको मूल्यमा औसतमा ०.७ प्रतिशत सस्तो भएको सरकारी सर्वेक्षणले देखाएको जनाएका छन् ।

त्यसैगरी छ प्रकारका विभिन्न फलफुलहरुमा प्रतिकेजी १.७ प्रतिशतसम्म मूल्यमा गिरावट आएको अधिकारीहरुले जनाएका छन् । मूल्यको अवस्था मूल्यांकन गर्दा झण्डै दुई सय थोकमुल्य बजारबाट विवरण संकलन गरिएको थियो । विवरण संकलकहरुले यस्तो विवरण दैनिक रुपमा संकलन गर्ने गरेको र त्यसमा फलफुल, तरकारी, मासु, अण्डालगायतका खाद्य पदार्थको विवरण समावेश हुने गरेको अधिकारीहरुले जनाएका छन् ।