Techie IT
×
गृहपृष्ठअन्तर्राष्ट्रियचीनसँग छिट्टै व्यापार सम्झौतामा हस्ताक्षर : ट्रम्प

चीनसँग छिट्टै व्यापार सम्झौतामा हस्ताक्षर : ट्रम्प


फ्लोरिडा, पुस ७
अमेरिको राष्ट्रपति डोनाल्ड ट्रम्पले अमेरिका र चीनले केही दिनअघि भएको पहिलो चरणको व्यापार सम्झौतापत्रमा छिट्टै हस्ताक्षर हुने बताएका छन् । शनिबार फ्लोरिडा राज्यमा आयोजित एक कार्यक्रममा बोल्दै उक्त जानकारी दिएको रोयटर्सले जनाएको छ । ‘हामीले व्यापार सम्झौतामा ठूलै उपलब्धि हासिल गरेका छौँ, चाँडै त्यसमा हस्ताक्षर हुन्छ’, ट्रम्पले भनेका छन् । पहिलो चरणको सम्झौता अर्थात् ‘फेज वान डिल’ डिसेम्बरको सुरुतिर भएको थियो ।

उक्त सम्झौतासँगै दुवै देशले एकअर्का देशका वस्तुमा यसअघि लगाइएको थप कर घटाएका थिए । विगत एक वर्षयता विश्वका दुई ठूला अर्थतन्त्रबीच जारी व्यापार युद्धका कारण विश्वकै समग्र आर्थिक वृद्धिदरमा असर गरिरहेको छ । उक्त सम्झौताअनुसार अमेरिकाले यसअघि लगाउने भनेको थप कर नलगाउने र चीनले बढीभन्दा बढी परिमाणमा अमेरिकी कृषिजन्य उत्पादन खरिद गर्ने सहमति भएको छ । अमेरिकी वाणिज्य सचिव स्टिभन म्नुचिनले गत हप्ता जनवरीको सुरुतिरै सम्झौतापत्रमा हस्ताक्षर हुने बताएका थिए ।


क्याटेगोरी : अन्तर्राष्ट्रिय

तपाईको प्रतिक्रिया