४० करोड डलरका दुई पाकिस्तानी परियोजना स्वीकृत
इस्लामाबाद, साउन २१
विश्व बैंकले पाकिस्तानका दुई परियोजना स्वीकृत गरेको छ । ती परियोजना ४० करोड अमेरिकी डलरका हुन् । पाकिस्तानमा खाद्य असुरक्षा घटाउन र कोभिड १९ ले बन्द रहेका विद्यालयमा शैक्षिक गतिविधि पुनर्सञ्चालनका लागि उक्त डलरको कार्यक्रम विश्व बैंकले स्वीकृत गरेको पाकिस्तानी मिडियाहरुले जनाएका छन् ।
दुई परियोजनाका लागि विश्व बैंकले ४० करोड डलर दिनेछ भने २०/२० करोडमा रकम विभाजन गरिनेछ । पहिलो परियोजना सलह संकट र खाद्य सुरक्षा परियोजना हो । यस वर्ष पाकिस्तान, भारत हुँदै सलह नेपाल आएको थियो । सलहले थप संकट नल्याओस् भनेर यो परियोजना कार्यान्वयन गर्न विश्व बैंकले परियोजना स्वीकृत गरेको हो ।
२० करोड डलरमध्ये १२ करोड ५० लाख डलर क्षेत्रीय अन्तर्राष्ट्रिय विकास संघ (आईडीए)बाट प्राप्त हुनेछ । सलहले खाद्यबालीमा नोक्सान पार्दा खाद्य असुरक्षा बढ्ने भएकाले यो परियोजनाले थप क्षति हुन नदिने बताइएको छ । सलहले सखाप पारेको अवस्थामा १५ अर्ब डलरभन्दा माथिको नोक्सानी हुनसक्ने आँकलन गरिएको छ । यसले पाकिस्तानमा खाद्य जोखिम बढाउनसक्नेछ ।
पाकिस्तानमा २० प्रतिशत जनसंख्या कुपोषित, ४० प्रतिशत जनसंख्या बहुविध गरिबी र २५ प्रतिशत जनसंख्या राष्ट्रिय गरिबीको रेखामुन रहेका छन् । विश्व बैंकको कार्यकारी निर्देशकीय बोर्डले दुई परियोजना स्वीकृत गरेको हो । सलह र कोभिड १९ ले निम्त्याएको संकट व्यवस्थापन गर्न आकस्मिक रुपमा उक्त सहयोग स्वीकृत गरेको पाकिस्तानका लागि विश्व बैंकका देशीय निर्देशक इलांगो पाचामुथुले बताए ।
यो परियोजनाले पाकिस्तानको कृषिमा आश्रित अर्थतन्त्रलाई जोगाउने र शैक्षिक प्रणाली सुधारबाट मानव पुँजीको संरक्षण हुने बताइएको छ । त्यस्तै आईडीएबाट आउने २० करोड ऋणले कोभिड १९ ले शैक्षिक क्षेत्रमा निम्त्याएको संकट व्यवस्थापन गर्ने अपेक्षा गरिएको छ ।
क्याटेगोरी : विश्व बजार
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया