रिलायन्स विश्वकै दोस्रो सर्वाधिक ठूलो ब्रान्ड, पहिलो नम्बरमा एप्पल
नयाँ दिल्ली, साउन २२
भारतकै सर्वाधिक मूल्यवान् कम्पनी रिलायन्स इन्डस्ट्रिज फ्युचर ब्रान्ड इन्डेक्स २०२० मा दोस्रो सर्वाधिक ठूलो ब्रान्ड बनेको छ । पहिलो स्थानमा भने अमेरिकी कम्पनी एप्पल रहेको छ । फ्युचर ब्रान्डका अनुसार रिलायन्स पहिलोपटक यो सूचीमा समावेश भएको हो । रिलायन्सले लामो छलाङ मार्ने क्रममा यस्तो सफलता पाएको भारतीय मिडियाहरुले बताएका छन् । रिलायन्स भारतमा सबैभन्दा बढी मनाफा कमाउने कम्पनीमध्ये पर्छ । कम्पनीको सुधारिँदो व्यवसाय, वृद्धि, आविष्कारजन्य उत्पादन र ठूलो ग्राहकीय सेवाका लागि प्रसिद्ध छ । फ्युचरब्रान्ड ग्लोबल ब्रान्ड ट्रान्सफरमेसन कम्पनी हो । उसले रिलायन्सको श्रेय पनि मुकेश अम्बानीलाई दिएको छ ।
अम्बानी पछिल्लो समय विश्वकै ठूला ५ अर्बपतिभित्र पहिलोपटक समावेश भइसकेका छन् । अम्बानीको पेट्रोकेमिकल व्यवसाय छ भने रिलायन्सले आफ्नो कारोबार विभिन्न देशमा फैलाएको छ । अहिले उसले ऊर्जा, पेट्रोकेमिकल, टेक्स्टाइल, प्राकृतिक स्रोत, खुद्रा र टेलिकम्युनिकेसनसहित धेरै क्षेत्रमा काम गरिरहेको छ । अब गुगल र फेसबुकजस्ता चर्चित कम्पनीहरुले समेत रिलायन्समा लगानी गरिरहेका छन् । सोही कारण कम्पनी अझै अगाडि बढ्ने अपेक्षा गरिएको छ ।
यो सूचीमा एप्पल र रिलायन्सपछि सामसङ कम्पनी तेस्रो नम्बरमा छ । त्यसपछि नविदिया, मोउताई, नाइक, माइक्रोसफ्ट, एएसएमएल, पेपाल र नेटफ्लिक्स क्रमशः वरीयतामा छन् । फ्युचरब्रान्ड इन्डेक्स एक ग्लोबल पर्सेप्सन अध्ययन हो । उसले कम्पनीहरुको मार्केट क्यापको दृष्टिले पीडब्ल्यूसीको ग्लोबल टप १०० कम्पनीको पर्सेप्सन अध्ययन गरी वरीयता प्रदान गर्छ । वित्तीय हिसाबले भने होइन । पीडब्ल्युसीको यो वर्षको सूचीमा रिलायन्स ९१ नम्बरमा छ । फ्युचर ब्रान्ड इन्डेक्समा यो वर्ष कुल १५ नयाँ कम्पनीहरु सामेल भएका छन् । (आर्थिक दैनिकबाट)
क्याटेगोरी : विश्व बजार
ताजा अपडेट
- पुल अलपत्र बनाउने निर्माण कम्पनी कालोसूचीमा
- इलाम–२ उपनिर्वाचन :रास्वपाबाट लिम्बू उम्मेदवार
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया