गुगलका पूर्वकर्मचारी इन्जिनियरविरुद्ध १८ महिने जेल सजाय
अमेरिका, साउन २२
सर्चइन्जिन जायन्ट गुगलका पूर्वकर्मचारी इन्जिनियरलाई जेल सजाय भएको छ । गुगलको स्वचालित कार युनिटमा काम गरेका इन्जिनियर एन्थोनी लेवान्डोस्कीविरुद्ध अमेरिकी जिल्ला अदालतले १८ महिने जेल सजाय सुनाएको हो । उनीविरुद्ध उबेरमा सम्बद्धता हुनुअघि व्यापार गोप्यता कुरा चोरी गरेको अभियोग लागेको थियो । सनफ्रान्सिस्कोको एक अदालतले व्यापारको गोप्य कुरा चोरी गरेको भन्दै उक्त सजाय सुनाएको हो ।
लेवान्डोस्कीले गुगलको १४ हजार फाइल आफ्नो ल्यापटपमा ट्रान्सफर गरेर कम्पनी छोडेका थिए । यो सन् २०१६ को जनवरीमा उनले गुगल छोड्नुअघिको घटना हो । उनले उबेरमा जोडिएपछि रोबोकार परियोजनाको नेतृत्व गरेका थिए । तर यो मुद्दा आएसँगै सन् २०१७ मा कम्पनीबाट निकालिएका थिए । उनी मार्चमा आर्थिक संकटमा डुबेका थिए ।
उनको गल्तीका कारण गुगलको मातृकम्पनी अल्फाबेटलाई उनले १७ करोड ९० लाख अमेरिकी डलर तिर्नुपर्ने भएको छ । लेवान्डोस्की गुगलको स्वचालित कार परियोजना वाइमोका संस्थापक सदस्य समेत हुन् । उनले आफू निमोनियाको बिरामी रहेको भन्दै १२ महिना मात्र जेल बस्नुपर्ने आशा गरेका थिए ।
मुद्दा अभियोजनकर्ताले भने उनीविरुद्ध २७ महिनाको जेल सजाय मागदाबी गरेका थिए । उनले कोरोनाको प्रभाव उच्च विन्दुमा पुगेर झर्नथालेपछि जेल सजाय सुरु गर्न सक्ने अदालतले बताएको छ । लेवान्डोस्कीले अहिले स्वचालित ट्रक कम्पनी प्रोन्टोमा कार्यरत छन् । उनले एक विज्ञप्ति जारी गर्दै साढे ३ वर्षयता चलेको मुद्दा सकिएको र अब नयाँ यात्रा सुरु भएको जनाएका छन् ।
उबेरले गुगलसँग व्यापार गोप्यता चोरीसम्बन्धी मुद्दा सल्टाइसकेको छ तर दुई कम्पनीबीचको मामिला भने अझै टुंगिनसकेको छैन । टेक क्रन्च नामक अनलाइनका अनुसार लेवान्डोस्कीले उवेरविरुद्ध ४ अर्ब १० करोड अमेरिकी डलर मागदाबीसहित मुद्दा हाल्ने तयारीमा छन् ।
क्याटेगोरी : विश्व बजार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया