टिकटक खरिद गर्न ओरेकललाई टम्पको ‘ग्रिन सिग्नल’
वासिड.टन, भदौ ४
अमेरिकी राष्ट्रपति डोनाल्ड ट्रम्पले अमेरिका, अस्ट्रेलिया र न्युजिल्यान्डको टिकटकको व्यवसाय खरिद गर्न ओरेकल कम्पनीलाई ‘ग्रिन सिग्नल’ दिएका छन् । उनले टिकटक खरिद गर्ने ओरेकल ठूलो कम्पनी भएको समेत दाबी गरेका छन् । यसअघि ओरेकललाई पनि टिकटक खरिदकर्तामध्ये सम्भावित एक कम्पनीका रुपमा हेरिएको रिपोर्टहरु सार्वजनिक भएका थिए । गत हप्ता ट्रम्पले टिकटक खरिदबिक्रीका लाग ९० दिने समयसीमा तोकिदिएका थिए ।
टिकटक चिनियाँ कम्पनी बाइटीडान्सको स्वामित्वमा रहेको छोटा भिडियो सेयरिङ एप कम्पनी हो । ओरेकलका प्रमुख ल्यारी एलिसन ट्रम्पका समर्थक हुन् । उनले ट्रम्पको चुनावका लागि गत फेब्रुअरीमा पैसा समेत संकलन गरेका थिए । ट्रम्पले एरिजोना राज्यको युमामा गरेको पछिल्लो भाषणमा उक्त प्रतिक्रिया दिएको बीबीसीले जनाएको छ । ओरेकलले क्यानडासहित उक्त तीनवटा देशको टिकटकको व्यवसाय जनरल एटलान्टिक र सिक्योइया क्यापिटलसँग मिलेर खरिद गर्ने मनसाय बनाएको छ ।
यसअघि टिकटकको खरिदबिक्रीको लाभ हिस्सामा अमेरिकी सरकार पनि हुनुपर्ने माग गरेका थिए । अमेरिकाले आफ्ना नागरिकहरुको व्यक्तिगत विवरणजति सबै टिकटकबाट बाइटीडान्स हुँदै चिनियाँ कम्युनिस्ट पार्टीसम्म पुग्ने र त्यसले राष्ट्रिय सुरक्षामै खतरा पुग्ने दाबी गर्दै टिकटक अमेरिकी कम्पनीलाई नबेचे प्रतिबन्धित गर्ने निर्णय गरेको थियो । बाइटीडान्सले भने अमेरिकी आरोपको खण्डन गर्दै आएको छ ।
अमेरिकामा प्रतिबन्धको हल्लासँगै अमेरिकी कम्पनी माइक्रोसफ्टले टिकटक खरिद गर्ने बताएको थियो । अहिले पनि उसैले खरिद गर्न सक्ने सम्भावना देखिएको छ । त्यसबाहेक ट्विटरले पनि टिकटक खरिद गर्ने इच्छा देखाइसकेको छ ।
क्याटेगोरी : विश्व बजार
ताजा अपडेट
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
- कर्णाली डेभलपमेन्ट बैंकले कमायो दुई करोड ८८ लाख
- स्वालम्वन लघुवित्तको तेस्रो त्रैमासिक नाफा ११ करोड ८६ लाख
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया