Techie IT
×
गृहपृष्ठअन्तर्राष्ट्रियरूसले बनायो आफ्नै इन्टरनेट, परीक्षण सफल

रूसले बनायो आफ्नै इन्टरनेट, परीक्षण सफल


मस्को, पुस ११
रुसले विश्वले प्रयोग गरिरहेको इन्टरनेट छोडेर आफैँले नयाँ इन्टरनेट निर्माण गरेको छ । रुस सरकारले उक्त इन्टरनेटको सफल परीक्षण समेत भएको बताएको छ । बीबीसीका अनुसार सफल परीक्षणबारे विस्तृतमा आइसकेको छैन । तर रुसको सञ्चार मन्त्रालयले भने नयाँ इन्टरनेटमा प्रयोगकर्ताले कुनै परिवर्तन महसुस नगरेको बताएको छ ।

परीक्षण परिणाम राष्ट्रपति भ्लादिमिर पुटिनलाई बुझाउने बताइएको छ । यद्यपि विश्लेषकहरुले भने यसप्रति ध्यानाकर्षण जनाएका छन् । युनिभर्सिटी अफ सर्भेका कम्प्युटर वैज्ञानिक प्रोफेसर एलन वुडवार्डले रुसको पछिल्लो कदम चिन्ताजनक भएको बताए । निरंकुश देशहरुले नागरिकहरुलाई नियन्त्रण गर्न बढी जोड दिइरहेको बताए ।

विशेष गरी यसले नागरिकको पहुँच नियन्त्रण गर्न सरकारलाई सहयोग हुने उनको भनाइ छ । अब रुसले आफ्नो मात्रै इन्टरनेट सञ्चालन गर्न वैकल्पिक प्रणाली बनाउनुपर्ने हुन्छ । इरानमा राष्ट्रिय सूचना सञ्जालले विदेशी वेबसाइटलाई नियन्त्रण गर्छ र सीमित बाहिरी सूचना मात्रै नागरिकसम्म पुग्न दिन्छ । त्यस्तै चीनमा पनि ग्रेट फायरवेलले विदेशी इन्टरनेट सर्भिसलाई नियन्त्रण गर्छ । यसप्रकारको प्रविधिमा रुस निकै अगाडि बढिसकेको छ ।


क्याटेगोरी : अन्तर्राष्ट्रिय

तपाईको प्रतिक्रिया