Techie IT
×
गृहपृष्ठअन्तर्राष्ट्रियभारतको चालू खाता घाटा घट्यो

भारतको चालू खाता घाटा घट्यो


मुम्बई, पुस १६
चालू आर्थिक वर्षको दोस्रो त्रैमासिकमा भारतको चालू खाता घाटा घटेको छ । भारतीय रिजर्व बैंक अफ इन्डियाले जुलाईदेखि सेप्टेम्बरसम्मको अवधिमा कुल गार्हस्थ्य उत्पादनको शून्य दशमलव नौ प्रतिशतले चालू खाता घटेको बताएको छ । समीक्षा अवधिमा गत वर्ष यस्तो घाटा २.९ प्रतिशत रहेको थियो । आरबीआईको तथ्यांकअनुसार चालू आवको उक्त अवधिमा शून्य दशमलव नौ प्रतिशतले घटेर ६ अर्ब ३० करोड अमेरिकी डलरमा

झरेको छ । गत वर्ष १९ अर्ब अमेरिकी डलर चालू खाता घाटा रहेको थियो । यो वर्ष पहिलो त्रैमासिकमा यस्तो घाटा जीडीपीको दुई प्रतिशत अर्थात् १४ अर्ब डलर रहेको थियो । घाटा घट्नुमा खासगरी व्यापार घाटा घट्नुलाई मुख्य कारण मानिएको छ । अहिले व्यापार घाटा ३८ अर्ब डलरको न्यून अवस्थामा रहेको छ । गत वर्ष भारतको व्यापारघाटा ५० अर्ब डलरसम्म पुगेको थियो ।


क्याटेगोरी : अन्तर्राष्ट्रिय

तपाईको प्रतिक्रिया