३८ वर्षमै भारतकै सबैभन्दा धनी महिला बनिन् रोशनी नाडर
नयाँ दिल्ली ।
कोरोना संकटकै बीच जुलाईमा रोशनी नाडरलाई एचसीएल टेक्नोलोजीको प्रमुख नियुक्त गरिएको थियो । हुरुन इन्डियाको एउटा सर्भेअनुसार रोशनी नाडर भारतकै सबैभन्दा धनी महिला हुन् । उनको सम्पत्ति ५ खर्ब ४८ अर्ब ५० करोड भारतीय रुपैयाँ छ । यो सूचीमा दोस्रो नम्बरमा छिन् बायोकोनकी संस्थापक तथा कम्पनीका प्रबन्धनिर्देशक किरण मजुमदार । उनको कुल सम्पत्ति ३ खर्ब ६६ अर्ब भारु छ । मुम्बईमा रहेको फार्मा कम्पनी यूएसभी प्राइभेट लिमिटेडकी लीना गान्धी तिवारी २ खर्ब १३ अर्ब ४० करोड भारुका साथ तेस्रो नम्बरमा छिन् । यो सूचीलाई कोटक वेल्थ र हुरुन इन्डियाले यो वर्षको लागि तयार गरेका हुन् ।
को हुन् रोशनी ? रोशनी ३८ वर्ष मात्र पुगेकी छिन् । उनी सन् २०१९ मा चर्चित म्यागजिन फोब्र्सको सय विश्वका शक्तिशाली महिला सूचीमा उनी ५४औँ नम्बरमा परेकी थिइन् । उनी एचसीएलका संस्थापक शिव नाडरकी एक्ली छोरी हुन् । जुलाईमा जब उनलाई कम्पनीको प्रमुख बनाइयो, उनी भारतकै कुनै पनि सूचीकृत आईटी कम्पनीको पहिलो महिला प्रमुख बनिन् ।
हुरुन इन्डिया रिच लिस्ट २०१९ मा उनी भारतकै सबैभन्दा धनी महिलामा सूचीकृत भइन् । रोशनीको स्कुलिङ वसन्त भ्याली स्कुलमा भयो । उनले नर्थवेस्टर्न युनिभर्सिटीमा बाँकी अध्ययन पूरा गरेकी थिइन् । उनले मिडिया क्षेत्रमा पनि काम गरेकी छिन् । एचसीएलमा जोडिनुअघि उनले धेरै अरु कम्पनीमा समेत काम गरेकी छिन् । आफ्ना बुबाको आग्रहमा उनले एचसीएलमा काम थालेकी थिइन् । एक वर्ष नबित्दै उनी कम्पनीको सीईओ र कार्यकारी निर्देशक बनिन् । रोशनी नाडर सन् २००९ मा २७ वर्षको उमेरमै कम्पनीको सीईओ बनेकी थिइन् । सन् २०१० मा उनले शिखर मल्होत्रासँग बिहे गरिन् । अहिले उनी एचसीएल हेल्थकेयरमा उपप्रमुख पनि हुन् । उनका दुई सन्तान छन् ।
क्याटेगोरी : विश्व बजार
ताजा अपडेट
- राहुघाटमा निर्माणाधीन पाँच जलविद्युत् आयोजना अन्तिम चरणमा
- नयाँ वित्तीय साधनका लागि विश्व बैंकलाई ११ अर्ब अमेरिकी डलर कोष प्राप्त
- टिपर दुर्घटनामा एक जनाको मृत्यु, तीन घाइते
- सुनकोसी मरिण डाइभर्सन : सुरुङ खन्न एक सय १० मिटर बाँकी
- सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
- नीति र नेतृत्वमा एमालेभित्र विवाद छैन : अध्यक्ष ओली
- वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया