अमेरिकामा कानुनी झमेला झेल्दै फेसबुक

वासिड.टन ।
अमेरिकी संघीय नियामक तथा ४५ भन्दा धेरै राज्य महान्यायाधिवक्ताहरुले सामाजिक सञ्जाल कम्पनी फेसबुकमाथि प्रतिस्पर्धा छल्न अवैधानिक कार्य गरेको भन्दै मुद्दा दायर गरेका छन् । यो मुद्दा अमेरिकी सरकार पक्षबाट फेसबुकविरुद्ध भएको अहिलेसम्मकै महत्वपूर्ण र ठूलो मुद्दा हो । अधिकारीहरुले अदालतलाई फेसबुकले ह्वाट्सएप र इन्स्टाग्रामजस्ता अन्य उस्तै एपहरुको स्वामित्व छोड्नुपर्ने आदेश दिन आग्रह समेत गरेका छन् ।

फेसबुकले भने यी मुद्दाहरुमा वर्षौँअघि सम्झौता र सहमति भएको दाबी गरेको छ । तर फेसबुकले यी मुद्दाहरु आफूसँगमात्र सम्बन्धित नभएको र सबै व्यवसायलाई खतरामा पार्ने गरी दायर भएको आरोप लगाएको छ । ह्वाट्सएप र इन्स्टाग्राममा आफूले लाखौँ डलर खर्चिएको भन्दै प्रतिरक्षा गर्ने प्रतिक्रिया दिएको छ । विश्वासघातसम्बन्धी कानुनले कम्पनीहरुले गरेको लाखौँ लगानीले उपभोक्ता र आविष्कारलाई रक्षा गर्ने जनाउँदै फेसबुकले यसले सफल व्यवसायलाई दण्डित गर्न नसक्ने बताएको छ ।

राज्यहरु र संघीय व्यापार आयोगले फेसबुकको २०१२ को इन्स्टाग्रामको प्राप्ति र सन् २०१४ को ह्वाट्सएप प्राप्तिलगायतलाई लिएर मुद्दा दायर गरेको हो । दायर गरिएको मुद्दामा फेसबुकले आफ्ना प्रतिस्पर्धीलाई किन या छोड भन्ने लक्ष्यसाथ अँचेटेको आरोप लगाइएको छ । उक्त मुद्दामा फेसबुकका प्रमुख मार्क जुकरबर्गले आन्तरिक रुपमा पठाएको मेसेजहरुलाई पनि उल्लेख गरिएको छ ।

सन् २००८ मा जुकरबर्गले आन्तरिक रुपमा प्रतिस्पर्धा गर्नुभन्दा किन्नु बेस रहेको सन्देश पठाएका थिए । फेसबुकमाथि शक्तिको दुरुपयोग गरी साना प्रतिस्पर्धी कम्पनीलाई घाटा पु-याएको आरोप लगाइएको छ । सोही कारण फेसबुकलाई खुल्ला छोड्न नहुने भन्दै मुद्दा दायर गरिएको हो ।