Techie IT
×
गृहपृष्ठअन्तर्राष्ट्रियअर्को वर्षको आधाआधीमा ३० प्रतिशत धेरै आईफोन बनाउने एप्पलको लक्ष्य

अर्को वर्षको आधाआधीमा ३० प्रतिशत धेरै आईफोन बनाउने एप्पलको लक्ष्य


टोक्यो ।
एप्पल इन्कले सन् २०२१ को पहिलो छ महिनामा ९ करोड ६० लाख वटासम्म आईफोन बनाउने लक्ष्य लिएको छ । यो भनेको एप्पलको फाइभजी ह्यान्डसेटको ३० प्रतिशत बढी माग भएको निक्कीले समाचारमा जनाएको छ । एप्पलले आपूर्तिकर्तालाई साढे नौ करोडभन्दा धेरै आईफोन उत्पादन गर्न भनेको छ । यसमा पछिल्लो आईफोन१२, पुरानो आईफोन ११ र एसई मोडललगायत छन् ।

निक्कीको रिपोर्टअनुसार उद्योगहरुमा फोन अभाव हुनसक्ने जनाइएको छ । कम्पनीले २३ करोड आईफोन अर्को वर्ष बनाउने योजना बनाएको छ । सन् २०१९ को तुलनामा यो २० प्रतिशत बढी हो । यद्यपि लक्ष्य पुनरवलोकन हुनसक्नेछ । एप्पलले भने यसबारे औपचारिक रुपमा बताइसकेको छैन । यससम्बन्धी प्रतिक्रिया मागे पनि नदिएको रोयटर्सले जनाएको छ । अक्टोबरमा एप्पलले आफ्नोा फाइभजी आईफोन सार्वजनिक गर्न केही ढिलाइ गरेको थियो ।

विश्लेषकहरुले आईफोनबाट हुने आम्दानी ५.८ प्रतिशतले बढेर ५९.१९ अर्ब अमेरिकी डलर पुग्ने अनुमान गरेका छन् । यो पहिलो तीन महिनाको लागि गरिएको अनुमान हो । कम्पनीले अहिले एप्पल टीभी मोडलको नयाँ उत्पाादनबारे काम गरिरहेको छ । त्यस्तै आगामी वर्ष कम्पनीले म्याकबुक प्रो र आईम्याक प्रोको आक्रामक उत्पादन गर्नेबारे तयारी गरिरहेको छ ।



तपाईको प्रतिक्रिया