Techie IT
×
गृहपृष्ठअन्तर्राष्ट्रिययी हुन् अर्को वर्ष बजार पिट्ने पाँच मुख्य फाइभजी स्मार्टफोन

यी हुन् अर्को वर्ष बजार पिट्ने पाँच मुख्य फाइभजी स्मार्टफोन


काठमाडौं ।
सन् २०२० को अन्तिम महिना चलिरहेको छ । आगामी वर्ष स्मार्टफोन बजारमा फाइभजी सपोर्ट गर्नेतिर ग्राहकको मुख्य ध्यान हुने पक्कापक्की छ । यस्तोमा केही चर्चित कम्पनीका उत्पादनले ध्यान खिच्ने देखिएको छ । पछिल्लो समय इन्टरनेट सेवा २जी, ३जी, फोरजी हुँदै फाइभजीतिर प्रवर्तन भइसकेको छ । द्रुतगतिको इन्टरनेट चल्ने भएकाले सोही किसिमका उत्पादनहरु बजारमा आइरहेका छन् । सोही क्रममा फाइभजी स्मार्टफोनको माग हुनथालेको छ । यस्तो अवस्थामा चर्चित कम्पनीका चर्चित स्मार्टफोनले बजारमा राम्रै स्थान लिने देखिएको हो ।

कुन कम्पनीका कस्ता फोन ?
वानप्लस ८ प्रो, सन् २०२१ मा वानप्लसको ८प्रोले ग्राहकको ध्यान खिच्ने देखिएको छ । फाइभजी सपोर्ट गर्ने यो फोनमा धेरै सुविधा छ । ६.७८ इन्चको अमोालेड डिस्प्ले रहेको यो फोनमा कर्निङ गोरिल्ला ग्लास ५ को लेयर छ । यसमा क्वाल्कम स्न्यापड्र्याागन ८६५ प्रोसेसर रहेको छ । वानप्लस ८ प्रोमा ८ जीबी ¥याम र १२८ जीबीको स्टोरेज छ । यसमा ‘४८ प्लस ४८ प्लस ८ प्लस पाँच’ मेगापिक्सलको चारवटा ब्याक क्यामरा रहेको छ । यसमा अगाडि क्यामराा १६ मेगापिक्सलको छ । यसमा ४५१० एमएएच ब्याट्री छ । यसको मूल्य ८८ हजार रुपैयाँ हाराहारीमा पर्नसक्नेछ ।

आईफोन १२, नयाँ वर्षमा ग्राहकको ध्यान खिच्ने अर्को फोन हो एप्पलको आईफोन १२ । यो फोनमा ग्राहकको पहिलो रुचि पर्नसक्नेछ । यसमा १२÷१२ मेगापिक्सेलको दुईवटा ब्याक क्यामरा र १२ मेगापिक्सेलको अगाडि क्यामरा छ । ६.१ इन्चको यो फोनमा ६४ जीबीको स्टोरेज, २७७५ एमएएचको ब्याट्री छ भने यसको मूल्य १ लाख २७ हजार हाराहारी पर्छ ।

सामसङ ग्यालेक्सी नोट २० अल्ट्रा, यो फोनलाई पनि ग्राहकले राम्रै रुचि राख्ने देखिएको छ । सामसङ ग्यालेक्सी नोट २० अल्ट्रा गत अगष्ट १० मा सार्वजनिक भएको फोन हो । ६.९ इन्चको स्क्रिन रहेको फोनमा ४५०० एमएएच ब्याट्री छ । यसमा १०८ प्लस १३ प्लस १२ मेगापिक्सलका तीनवटा ब्याक क्यामरा र ४० मेगापिक्सलको अगाडि क्यामरा छ । १२ जीबी -यामयुक्त यो फोनको मूल्य १ लाख ६८ हजार हाराहारी रहेको छ ।

शाओमीको एमआई १०, चिनियाँ कम्पनीको शाओमी एमआई १० ले पनि नयाँ वर्षमा राम्रै माग पाउनसक्नेछ । यसले पनि फाइभजी सपोर्ट गर्छ । यसका पछाडि १०८ प्लस १३ प्लस २ प्लस २ मेगापिक्सेलका क्यामरा छन् भने अगाडि २० मेगापिक्सेलको क्यामरा छ । यो फोन गत अप्रिल २२ मा सार्वजनिक भएको थियो । यसको मूल्य ७२ हजार हाराहारीमा पर्छ ।

मोटोजी५जी, यो फोन मोटोरोला कम्पनीले उत्पादन गरेको हो । मोटोजीफाइभजी स्मार्टफोन अरुभन्दा निकै सस्तो रहेको छ । फाइभजी चल्ने यो फोनमा ६.७ इन्चको स्क्रिन र ४८ प्लस ८ प्लस २ मेगापिक्सेलका तीन ब्याक क्यामरा र १६ मेगापिक्सेलको फ्रन्ट क्यामरा रहेको छ । चार जीबी -यामयुक्त यो फोनमा ५००० एमएएच ब्याट्री छ । यसको मूल्य ३३ हजार हाराहारी पर्छ ।



तपाईको प्रतिक्रिया