Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठविश्व बजारकेजरीवालले संसदमै च्यातिदिए मोदी सरकारको ‘किसानविरोधी’ कानुन

केजरीवालले संसदमै च्यातिदिए मोदी सरकारको ‘किसानविरोधी’ कानुन


नयाँ दिल्ली ।
दिल्लीका मुख्यमन्त्री अरविन्द केजरीवालले बिहीबार केही समयअघि मोदी सरकारले ल्याएको ‘किसानविरोधी कानुन’ संसदमै च्यातिदिएका छन् । भारतीय मिडियाहरुका अनुसार केन्द्र सरकारले ल्याएको कृषिसम्बन्धी नयाँ कानुन केजरीवालले च्यातेका हुन् । दिल्ली संसदमा बोल्दै मुख्यमन्त्री केजरीवालले नयाँ कानुनले देशका किसानलाई धोखा दिएको बताए । उनले ब्रिटिशहरुभन्दा खराब नहुन

केन्द्र सरकारलाई सुझाव दिएको टाइम्स अफ इन्डियाले जनााएको छ । उक्त कानुन फिर्ता लिन केजरीवालले जोडदार माग समेत गरेका छन् । ‘महामारीका बेला हतार हतार कानुन किन पास गरेको हो ?’, केजरीवालले प्रश्न गर्दै भने, ‘राज्यसभामा भोटिङ नै नगरी पहिलोपटक तीनवटा कानुन ल्याइएको छ…त्यसकारण म तीनवटै कृषि कानुन यहाँ च्यात्छु र ब्रिटिशभन्दा पनि खराब नहुन अपिल केन्द्र सरकारलाई अपिल गर्छु ।’

भारतीय जनता पार्टीलाई इलेक्टोरल फन्डिङका लागि यो कानुन ल्याएको आरोप लगाउँदै उनले किसानको हितमा नभएको दाबी गरे । भारतमा कृषिसम्बन्धी कानुन बनेलगत्तै विरोध हुँदै आएको छ । किसानहरुले सडकमै बसेर आन्दोलन गर्दै आएका छन् तर केन्द्र सरकारले कानुन फिर्ता नहुने अडान लिँदै यो किसानकै पक्षमा रहेको बताएको छ ।


क्याटेगोरी : विश्व बजार

तपाईको प्रतिक्रिया