अमेरिका ।
विद्युतीय कार निर्माता अमेरिकी कम्पनी टेस्लाले अमेरिकाकोा बेन्चमार्क एसएण्डपी ५०० स्टक इन्डेक्समा सोमबार जोडिने भएको छ । यसबाट लाखौँ लगानीकर्ताले कम्पनीको सेयर सदस्य बन्ने मौका पाउने बताइएको छ । विश्लेषकहरुले यो वर्ष अर्बपति एलन मस्कको कम्पनीका लागि शुभसमाचार भएको बताएका छन् । कम्पनीको कारहरुको कोरोना महामारीकै बीच पनि उच्च माग भएको छ । एसएण्डपीमा कम्पनीको बढोत्तरीले लगानीकर्तालाई हौस्याउने अपेक्षा गरिएको छ । यसले अमेरिकी सेयरबजारमा समेत राम्रो प्रभाव पर्नसक्नेछ ।
सन् २००३ मा क्यालिफोर्नियामा कम्पनी स्थापना भएयता टेस्लाले सेयरबजारमा राम्रो प्रभाव छोड्न सफल भएको छ । टेस्ला बैंकको ऋणमा डुब्ने मुखैमा पुगेर पनि उम्किन सफल भएको थियो । मस्कले स्वचालित प्रविधिदेखि भाइरस लकडाउनसम्मका विभिन्न पेचिला विषयमा सरकारी अधिकारीसँग पौँठेजोरी खेल्दै आएका छन् ।
यो वर्ष यो कम्पनीको सेयरमा विभिन्न समयमा उतारचढाव हुाँदै आएको छ । यो वर्ष टेस्लाको सेयर मूल्य ७ सय प्रतिशतभन्दा बढीले उकालो लागेको छ । शुक्रबार रातिमात्रै सेयर ६ प्रतिशतभन्दा बढीले चढेको छ । यो भनेको अनुमानित ८० अर्ब अमेरिकी डलरबराबरको बढोत्तरी हो । कम्पनीको बजार पुँजीकरण ६ खर्ब अमेरिकी डलर पुगिसकेको छ । योसँगै कम्पनी अहिले विश्वकै मूल्यवान् कार निर्मातामा दर्ज भएको छ ।
वालस्ट्रिटमा टेस्ला छवटा मूल्यवाान् कम्पनीमध्ये अटाएको छ । यो कम्पनीभन्दा अगाडि केवल एप्पल र अमेजन छन् । यो वर्ष टेस्लाको सेयर बढेपपछि मस्क विश्वकै सर्वाधिक धनीको सूचीमा दोस्रो नम्बरमा पुगेका छन् । उनीभन्दा अगाडि केवल अमेजनका जेफ बेजोस छन् । मस्ककोा सम्पत्ति डेढ खर्ब अमेरिकी डलर रहेको छ । गत महिना टेस्लाको एसएण्डपी बढोत्तरीको टुंगो लागेको बताइएको छ ।
क्याटेगोरी : विश्व बजार
ताजा अपडेट
- न्युयोर्कमा ११४औँ अन्तर्राष्ट्रिय महिला श्रमिक दिवस
- ललितपुर महानगरका नगरप्रमुखद्वारा जिपि फाउन्डेशन अमेरीकाको कार्यालयमा विशेष भेटघाट एवं समसामयिक छलफल
- राष्ट्रपतिद्वारा विधेयक प्रमाणीकरण
- टी–२० शृङ्खलाः नेपाल ‘ए’ टोली आयरल्याण्डको ‘ए’ टोलीसँग पराजित
- न्युयोर्कमा ११४औँ अन्तर्राष्ट्रिय महिला श्रमिक दिवस
- बाह्र वर्षमै एसइई परीक्षा दिँदै पर्वतका एक छात्र
- कांग्रेस पुन: सरकारमा जान्छ : महामन्त्री थापा
- मिटर ब्याजका पाँच मुद्दामा मिलापत्र
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया