Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठविश्व बजारअमेरिकी सेयरबजारबाट चिनियाँ कम्पनीलाई गलहत्याउन सक्ने कानुनमा ट्रम्पले हस्ताक्षर गरे

अमेरिकी सेयरबजारबाट चिनियाँ कम्पनीलाई गलहत्याउन सक्ने कानुनमा ट्रम्पले हस्ताक्षर गरे


वासिड.टन. ।
अमेरिकी राष्ट्रपति डोनाल्ड ट्रम्पले चिनियाँ कम्पनीलाई अमेरिकी सेयरबजारबाट निष्काशन गर्नसक्ने कानुनको विधेयकमा गत शुक्रबार हस्ताक्षर गरेका छन् । रोयटर्सका अनुसार अमेरिकी अडिटसम्बन्धी मानक मापदण्ड अनुसरण नगर्ने चिनियाँ कम्पनीलाई यो कानुनले गलहत्याउन सक्नेछ ।

रिपब्लिकन राष्ट्रपतिले ह्वाइटहाउस छोड्ने समय नजिकिइरहँदा चीनमाथि थप दबाब सिर्जना गर्न यो कानुन ल्याइएको हो । यो कानुनको नाम ‘द होल्डिङ फरेन कम्पनिज एक्ट’ रहेको छ । विशेषतः चिनियाँ कम्पनी लक्षित भए पनि यो कानुनले अमेरिकी पब्लिक एकाउन्टिङ ओभरसाइट बोर्डको तीन वर्षे अडिट मापदण्ड पालना नगर्ने कुनै पनि विदेशी कम्पनीको धितोपत्र (सेयर) अमेरिकी सेयरबजारमा सूचीकृत हुनबाट रोक्नसक्छ ।

यो विधेयक अमेरिकी संसदमा गत वर्ष पारित भएको थियो । डेमोक्रेटिक र रिपब्लिकन दुवै पार्टीका सांसदले विधेयकको पक्षमा मतदान गरेका थिए । ट्रम्प राष्ट्रपति भएयता चीनविरुद्ध कडा नीति अख्तियार गर्दै आएका छन् । विशेषगरी व्यापारमा ट्रम्प निकै आक्रामक देखिँदै आएका छन् । यो कानुनपछि विदेशी कम्पनीहरुले आफ्नो स्वामित्वबारे पनि स्पष्ट खुलाउनुपर्नेछ ।


क्याटेगोरी : विश्व बजार

तपाईको प्रतिक्रिया