निसेको सूचीकरणबाट हटाउने घोषणापछि चिनियाँ कम्पनीको सेयर मूल्य ह्वात्तै घट्यो
शंघाई ।
चीनका तीन ठूला दूरसञ्चार कम्पनीको सेयर मूल्य हङकङको सेयरबजारमा सोमबार पाँच प्रतिशतले घटेको छ । अमेरिकी सेयरबजार निसे (एनवाईएसई)ले सूचीकरणबाट हटाउने प्रक्रिया थालेको घोषणा गरेपछि त्यसको प्रभावस्वरुप चिनियाँ कम्पनीको सेयरबजारमा पहिरो गएको हो । यद्यपि पछि फेरि सेयर बढेको थियो ।
निसेले बिहीबार चाइना मोबाइल लिमिटेड, चाइना टेलिकम कर्प लिमिटेड र चाइना युनिकर्न हङकङ लिमिटेडलाई सूचीकरणबाट हटाउने प्रक्रिया थालेको बताएको थियो । नोभेम्बरमा अमेरिकी सरकारले ३१ वटा चिनियाँ कम्पनीमाथि चीनको सेनाले स्वामित्व वा नियन्त्रणमा राखेको दाबी गर्दै त्यस्ता कम्पनीको लगानी प्रतिबन्धित गर्ने नीति लिएको थियो । यद्यपि चीनले भने अमेरिकी आरोपको कडा प्रतिवाद गर्दै आएको छ । यसविरुद्ध आवश्यक कदम चाल्ने उसले बताइसकेको छ ।
चिनियाँ विदेश मन्त्रालयका प्रवक्ता हुवा चुनयिङले अमेरिकी कदम चिनियाँ कम्पनीलाई दबाउनतिर लक्षित रहेको बताए । उसले व्यापारिक मुद्दालाई अमेरिकाले राजनीतीकरण गरेको आरोप लगाउँदै अमेरिकी नियम विभेदकारी रहेको बताएको छ । चीनको धितोपत्र नियामक आयोगका अनुसार तीन कम्पनीको बजार मूल्य २० अर्ब युआन अर्थात् ३ अर्ब अमेरिकी डलर रहेको छ ।
क्याटेगोरी : विश्व बजार
ताजा अपडेट
- राजनीतिले लगानीकर्तामाझ उत्साह भर्न सक्नपर्छः राष्ट्रपति
- जङ्गलभरि आगलागी : बासस्थान खोज्दै गाउँ झरे वन्यजन्तु
- दलका कार्यसमितिको विवरण उपलब्ध गराइदिन निर्वाचन आयोगलाई शिक्षा मन्त्रालयको अनुरोध
- सोह्रौँ योजनाले एकीकृत पूर्वाधार र सूचना प्रविधिको बिस्तारमा जोड दिएको छः प्रधानमन्त्री
- बसको ठक्करबाट तीर्थयात्रीको मृत्यु
- नेपाल–चीन सहायता परियोजनाको पहिलो बैठक सम्पन्न
- ओहोदाको प्रमाणपत्र प्रस्तुत
- भगवती लेमिनेट्सको शंकास्पद आगलागी प्रकरणमा शिखर इन्स्योरेन्सको स्वीकृति
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया