Techie IT
×
गृहपृष्ठअन्तर्राष्ट्रियढाका उडानमा छ विदेशी हवाइ कम्पनीको चासो

ढाका उडानमा छ विदेशी हवाइ कम्पनीको चासो


ढाका ।
छवटा थप विदेशी हवाइ सेवाप्रदायकले बंगलादेशको राजधानी ढाका उडानमा चासो देखाएका छन् । यसमा गरुडा इन्डोनेसिया, कोरियन एयर, इरान एयर, इराकी एयरवेज र दुईवटा भारतीय विमान कम्पनीले चासो दिएको बंगलादेशी मिडियाले जनाएका छन् ।

उडान नियमन नीति, चलायमान बजार र उच्च नाफाका कारण विदेशी एयरलाइन्स कम्पनीले चासो देखाएको बताइएको छ । छमध्ये गरुडा, कोरियन, इराकी एयरवेजले बंगलादेशको सिभिल एभिएसन अथोरिटी अफ बंगलादेशमा आवेदन नै दिइसकेका छन् भने दुई भारतीय एयरलाइन्सले पनि चासो दिएका छन् ।

यसबाहेक पाकिस्तानी ध्वजावाहक पाकिस्तान इन्टरनेशनल एयरलाइन्सले पनि प्रत्यक्ष उडान पुनः सुरु गर्नेबारे विचार गरिरहेको छ । छ वर्षअघि पाकिस्तानी ध्वजावाहक जहाजले ढाका उडान गर्दै आएका थिए । त्यसअघि बेलायतको प्रतिष्ठित कम्पनी ब्रिटिस एयरवेजले पनि ११ वर्षपछि ढाका उडानका लागि सीएएबीमा आवेदन दिइसकेको छ । विदेशी कम्पनीले चासो दिएपछि बंगलादेशी नियामक सीएएबीले छलफल गर्ने भएको छ ।



तपाईको प्रतिक्रिया