Techie IT
×
गृहपृष्ठअन्तर्राष्ट्रियटोयोटाले जापानमा ‘प्रोटोटाइप’ सहर बनाउने

टोयोटाले जापानमा ‘प्रोटोटाइप’ सहर बनाउने


लसभेगास (अमेरिका), पुस २३
टोयोटा मोटो कर्पले सोमबार जापानमा भविष्यको प्रोटोटाइप सहर निर्माण गर्ने योजना सार्वजनिक गरेको छ । जापानका माउन्ट फुजीमा स्वचालित कारको प्रयोगशालाका रुपमा हाइड्रोजन इन्धनयुक्त स्मार्ट घरहरु निर्माण गर्ने योजना सार्वजनिक गरेको हो । यसमा अत्यधिक मात्रामा आर्टिफिसियल इन्टेलिजेन्स र अन्य प्रविधि प्रयोग हुनेछन् । कम्पनीले यसलाई वोभन सिटी भनेको छ । उक्त सहर कसरी निर्माण गर्ने भन्नेबारे हाल कम्पनीले छलफल गरिरहेको छ । यसलाई सुरक्षित, सफा र मनोरञ्जक बनाउने कम्पनीको दाबी छ ।

उक्त क्षेत्रमा निर्माण हुने कार कारखाना भने २०२० मा बन्द हुने छ भने २ हजार घर निर्माण तत्कालै सुरु हुनेछ । यसलाई अनुसन्धाताहरुको घरका रुपमा विकास गर्ने कम्पनीको योजना छ । यद्यपि यो परियोजनाबाट विस्तृतमा कम्पनीले बताएको छैन । तर अर्को वर्षदेखि यसको निर्माण सुरु हुनेछ । कम्पनीको योजनाअनुसार काम गर्न निकै ठूलो बजेट आवश्यक हुनेछ । उक्त सहर १ सय ७५ एकड (७१ हेक्टर) जमिनमा बन्नेछ ।


क्याटेगोरी : अन्तर्राष्ट्रिय

तपाईको प्रतिक्रिया