बोइङ ७७७ का केही इन्जिन अनुगमन गर्न एफएएको आदेश

अमेरिका ।
अमेरिकी संघीय हवाइ प्रशासन (एफएए)ले तुरुन्त बोइङ ७७७ विमानको अनुगमन गर्न मंगलबार आदेश दिएको छ । रोयटर्सका अनुसार एफएएले प्राट एन्ड ह्विटनी पीडब्ल्यू ४००० इन्जिनहरु अरु उडानअघि नै अनुगमन गर्न आदेश दिएको हो । शनिबार युनाइटेड एयरलाइन्सको एउटा जहाजमा इन्जिनमा उडेकै बखत आगलागी भएपछि एफएएको कडा निर्देशन आएको हो ।

उक्त इन्जिनहरु एक सय २८ पुराना भर्सनका विमानहरुमा प्रयोग गरिएको छ । यो भनेको कम्पनीले अमेरिका, दक्षिण कोरिया र जापानलाई दिएका १६ सय ७७७ विमानको १० प्रतिशत हो । एफएएले विमान सञ्चालकहरुले प्रत्येक इन्जिनको टिटानियम ब्लेडको अनुगमन गर्नैपर्ने बताएको छ । सन् २०१९ को मार्चमा पनि एफएएले फ्यान ब्लेडको अनुगमन गर्न उसले भनेको थियो । सन् २०१८ मा पनि युनाइटेडका विमानको इन्जिनमा यस्तै समस्या देखिएको थियो ।

दक्षिण कोरियाको यातायात मन्त्रालयले बुधबार सबै आन्तरिक हवाइ सेवा प्रदायकलाई यी मोडलका इन्जिन भएका जहाजहरु ग्राउन्डिङ गर्न आदेश दिएको छ । उसले अन्तर्राष्ट्रिय हवाइ सेवा प्रदायकलाई पनि आफ्नो हवाइ क्षेत्रमा बिहीबारदेखि प्रवेश नदिनसक्ने बताइएको छ ।