Techie IT
×
गृहपृष्ठअन्तर्राष्ट्रियउत्तर कोरियाद्वारा पेट्रोलियम आयातमा तोकिएको सीमा उल्लंघन

उत्तर कोरियाद्वारा पेट्रोलियम आयातमा तोकिएको सीमा उल्लंघन


प्योङयाङ ।
उत्तर कोरियाले प्रतिबन्धले तोकेको वार्षिक सीमाभन्दा बढी प्रशोधित पेट्रोलियम पदार्थ आयात गरेको संयुक्त राष्ट्र सङ्घका विज्ञहरूले शनिबार बताएका छन् । एएफपीलाई प्राप्त एक रिपोर्ट अनुसार प्योङ्याङ्ले वार्षिक पाँच लाख ब्यारेल पेट्रोलियम पदार्थ आयात गर्न पाउने भएपनि गत वर्ष यो सीमा पार भएको राष्ट्र संघ सुरक्षा परिषद्को विज्ञहरूले बताएका हुन् ।

नयाँ रिपोर्ट अनुसार गत वर्ष जनवरीदेखि सेप्टेम्बरसम्ममा कोरियाले कुन देशको भनेर परिचय नखुलेका केही मुलुकका १२१ सामुद्रिक ट्यांकरको प्रयोग गरी ग्यास तथा डिजेललगायतका पदार्थलाई आयात गरेको हो । उत्तर कोरियालाई आवश्यक भनी तोकिएकोभन्दा बढी पेट्रोलियम पदार्थको आयातबाट प्योङ्याङ्ले आफ्नो आवश्यकताभन्दा बढी पेट्रोलियम पदार्थको आयात गरी आफ्नो हतियार विकासमा प्रयोग गरेको आशंका विज्ञहरूले गरेका हुन् ।

उत्तर कोरियाले राष्ट्रसङ्घको प्रतिबन्धभन्दा कोइला, माछा र टेक्सटायललगायतका सामानको निर्यातको सिलिङ (सीमा)लाई पनि पार गरेको र यसरी प्राप्त राजस्वलाई हतियार विकासमा लगाएको दावी राष्ट्रसंघीय समितिको रहको छ । प्योङ्याङले सन् २०१९ जनवरीदेखि सन् २०२० नोभेम्बरसम्मको कुल ‘भर्चुअल एसेट’ चोरीको मूल्य करिब ३१ करोड ६४ लाख अमेरिकी डलर रहेको तथ्यांकले देखाएको छ ।


क्याटेगोरी : अन्तर्राष्ट्रिय

तपाईको प्रतिक्रिया