भारतसँगको सहज यातायात सञ्जालले बंगलादेशको आम्दानी १७ प्रतिशतले बढ्छ : विश्व बैंक
ढाका ।
भारत र बंगलादेशबीचको सहज यातायात सञ्जालले बंगलादेशको आय १७ प्रतिशतले बढ्ने विश्व बैंकले जनाएको छ । त्यस्तै भारतको आठ प्रतिशतले बढ्ने विश्व बैंकको नयाँ प्रतिवेदनले देखाएको छ ।
‘कनेक्टिङ टु थ्राइभ : च्यालेन्जेस एन्ड अपच्र्युनिटिज अफ ट्रान्सपोर्ट इन्टिग्रेसन इन इस्टर्न साउथ एसिया’ नामक मंगलबार सार्वजनिक प्रतिवेदनले यस्तो देखाएको हो । प्रतिववेदनले बंगलादेश–भुटान–भारत–नेपाल (बीबीआईएन) मोटर भेहिकल्स एग्रिमेन्ट (एमभीए)लाई अन्तर्राष्ट्रिय उपयुक्त अभ्यासका रुपमा लिएको छ । यसले क्षेत्रीय सञ्जालमा रहेको खाली स्थान भर्ने प्रतिवेदनमा उल्लेख छ ।
सवारीसाधन सम्झौता (एमभीए)लाई प्रवद्र्धन गर्न देशहरुले गर्नुपर्ने क्षेत्रीय नीतिगत कामहरुबारे पनि प्रतिवेदनले जोड दिएको छ । यसले सम्बन्धित पूर्वाधारमा लगानीले देशहरुको नाफाको आकार समेत बढाउने प्रतिवेदनको ठहर छ ।
प्रतिवेदनमा भनिएको छ, ‘भौगोलिक रुपले बंगलादेशलाई भारत, नेपाल, भुटान र अरु पूर्वी एसियाली देशहरुको रणनैतिक गेटवे बनाउँछ ।’ बंगलादेशले पनि क्षेत्रीय व्यापार, ट्रान्जिट, लजिस्टिक नेटवर्कको सुधार गरेर आर्थिक शक्तिराष्ट्र बन्नसक्ने बंगलादेश र भुटानका लागि विश्व बैंकका देशीय निर्देशक मर्सि टेम्बनले बताए ।
बितेको दशकमा भारत–बंगलादेश व्यापारको आकार बढेको छ । तर अब १० अर्ब डलरसम्मको व्यापार हुने सम्भावना रहेको प्रतिवेदनले देखाएको छ । विश्व बैंकले भारतको छिमेक पहिलो नीतिलाई पूर्ण समर्थन गरेको जनाएको छ । एमभीएलाई बैंकले ठूलो र पहिलो कदम भनेको छ । तर धेरै कुरा अझै गर्नुपर्ने अवस्थामा रहेको उल्लेख छ । महामारीबाट आर्थिक पुनरुत्थानसँगै उपक्षेत्रीय सञ्जाल विकासमा ध्यान दिनुपर्ने उल्लेख छ । उक्त सम्झौता सन् २०१५ मै भएको थियो ।
क्याटेगोरी : विश्व बजार
ताजा अपडेट
- मुस्ताङमा लेक लागेर तीन वर्षमा २९ जनाको मृत्यु
- विश्व वरियतामा ऐरीको नयाँ कीर्तिमान
- नेपालद्वारा साउदी अरेबिया छ विकेटले पराजित
- दुर्घटना अपडेटः गम्भीर घाइतेलाई उपचारका लागि कोहलपुर पठाइयो
- एन्फाका उपाध्यक्ष दावा लामा लागू औषध कारोवार गरेको आरोपमा पक्राउ
- आठ ओभरमा सीमित खेलमा नेपालविरुद्ध ब्याटिङ गर्दै साउदी अरेबिया
- गाजाको शरणार्थी शिविरमा आक्रमण : सात बालबालिकासहित १३ को मृत्यु
- अर्थमन्त्री पुन र विश्व बैंकका दुई उपाध्यक्षबीच भेटवार्ता
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया