डार्कनेटमा बिक्री हुँदै कोरोना खोप र खोप पासपोर्ट
लन्डन ।
कोरोना भाइरसविरुद्धका खोपहरु, खोप लगाएको प्रमाणित गर्ने पासपोर्ट र झूठा नेगेटिभ टेस्ट पेपपरहरु डार्कनेटमा बिक्री हुने गरेको खुलासा भएको छ । अस्ट्राजेनेका, स्पुतनिक, सिनोफार्म र जोन्सन एन्ड जोन्सनको खोपको मूल्य डार्कनेटमा पाँच सय अमेरिकी डलरदेखि साढे सात सय डलरसम्म छ । खोप लगाएका झूठा प्रमाणपत्र समेत अज्ञात व्यापारीहरुले कम्तीमा डेढ सय अमेरिकी डलरसम्म बिक्री गर्ने गरेका छन् । अनुसन्धाताका अनुसार खोपसम्बन्धी विज्ञापनहरु डार्कनेटमा अत्यधिक वृद्धि भएको छ ।
बीबीसीले ती खोपहरु साँच्चै वास्तविक हुन् भन्ने प्रमाण नभएको जनाएको छ । डार्कनेटलाई डार्क वेबका रुपमा पनि चिनिन्छ । यो भनेको इन्टरनेटकै एक भाग हो । तर यो विशेष ब्राउजर टुल्समार्फत मात्रै पहिल्याउन सकिन्छ । साइबर सुरक्षासम्बन्धी कम्पनी चेकप्वाइन्टका अनुसन्धाताले ह्याकिङ फोरम र मार्केटप्लेसको अनुगमन गरिरहेका छन् ।
जनवरीदेखि भइरहेको अनुगमनमा पहिलोपटक खोपका विज्ञापन उनीहरुले भेटेका थिए । उनीहरुका अनुसार कयौँ विज्ञापनहरु बढ्दो क्रममा छन् । डार्कनेटमा खोप बिक्री गर्नेहरु भने बेलायत, अमेरिका, स्पेन, जर्मनी, फ्रान्स र रुसका रहेको बताइएको छ । अनुसन्धाता टोलीले धेरै विज्ञापनहरु रुसी साइरिलिक अक्षर र अंग्रेजीमा रहेको भेटेका छन् । विज्ञापन गरिएका खोपहरुमा भने अक्सफोर्ड–अस्ट्राजेनेका (५ सय डलर) र जोन्सन एन्ड जोन्सन तथा स्पुतनिक प्रत्येकको छ सय अमेरिकी डलर मूल्य छ । सिनोफार्मको साढे सात सय डलर मूल्य राखिएको छ । एक जना बिक्रेताले त एकै दिनमा चाहिएको ठाउँमा खोप ल्याइदिने समेत दाबी गरेका छन् ।
त्यस्तै कतिपय ह्याकिङ फोरमका विज्ञापनमा झूठा नेगेटिभ टेस्ट बिक्रीमा रहेका छन् । विदेश जाने यात्रुलाई लक्षित गरी यस्ता टेस्टहरु दुई किन्दा एक सित्तैमा रहेको अफर गरिएको छ । कतिपय भने खोप लगाएको झूठा प्रमाणपत्र समेत बिक्रीमा राखिएका छन् । बेलायतमा खोप लगाएको प्रमाणका लागि भ्याक्सिन पासपोर्टको कुरा चलिरहेको छ ।
युरोपेली अधिकारीहरुले ग्रिन डिजिटल सर्टिफिकेट लागू गर्ने केही दिनअघि मात्रै बताएका थिए । तर यसको दुरुपयोग हुनसक्ने प्रबल सम्भावना डार्कनेटका यस्ता विज्ञापनहरुले देखाएका छन् । डार्कनेट प्रयोगकर्ताले यी कार्यको भुक्तानी भने बिटक्वाइनमार्फत गर्नखोजेको देखिएको छ । जुन कहाँ कसले सञ्चालन गरिरहेको छ भनेर थाहा पाउनै मुस्किल हुन्छ । चेकप्वाइन्टले यसलाई रोक्न क्युआर कोड प्रणाली लागू गर्न देशहरुलाई सुझाव दिएको बीबीसीले जनाएको छ ।
क्याटेगोरी : विश्व बजार
ताजा अपडेट
- राष्ट्रपतिद्वारा कतारका अमिरको सम्मानमा रात्रिभोज आयोजना
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
- प्रज्ञा स्मृति प्रतिष्ठानको आयोजनामा प्रकाश दाहाल स्मृति भलिबल प्रतियोगिता हुने
- कतारका अमिर शेखको स्वागतमा सांस्कृतिक भेषभूषामा नेपाली
- कतारका अमिरको भ्रमणमा श्रम सम्झौता नवीकरण एउटा मुद्दा, नेपाल के चाहन्छ ?
- मोटरसाइकल दुर्घटनामा धनुषाका पत्रकार यादवको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया