ताइवानी चिप उत्पादकले सय अर्ब डलर लगानी गर्ने
ताइवान ।
ताइवानी चिप उत्पादक टीएसएमसीले आगामी तीन वर्षभित्र क्षमता अभिवृद्धिमा सय अर्ब अमेरिकी डलर लगानी गर्ने योजना घोषणा गरेको छ । ताइवान सेमिकन्डक्टर म्यानुफ्याक्चरिङ कम्पनी (टीएसएमसी)ले उक्त घोषणा गरेको बीबीसीले जनाएको छ ।
यो विश्वकै ठूलो चिप बनाउने कम्पनी हो । चर्चित आईफोन निर्माता एप्पल पनि यो कम्पनीको ग्राहक हो । कम्पनीले यो वर्षमात्रै २८ अर्ब डलर उन्नत माइक्रो चिप उत्पादनमा खर्च गर्ने योजना ल्याइसकेको छ । विश्व कार उद्योगको क्षेत्रमा चिप अभाव खट्किएको बेला कम्पनीको योजना सार्वजनिक भएको हो । सोही कारण फक्सवागन, होन्डा, टोयोटा र जनरल मोटर्स (जीएम)ले उत्पादन कटौती नै गर्नुपरेको थियो ।
गत वर्ष कोरोना महामारीले माग घटेपछि कम्पनीहरुले माग रद्द गरेका थिए । त्यसपछि चिप उत्पादक कम्पनीले आफ्ना उत्पादन अन्यत्रै बेचेका थिए । तर पछि रद्द गरिएका माग पूर्ति अटोमेकरले गर्न सकेनन् । गाडीको माग बढ्यो तर चिप अभाव खट्कियो । जनवरीमा टीएसएमसीले मोटर उद्योगका लागि विशेष प्राथमिकता राखेर चिप उत्पादन गर्ने जनाएको थियो । चिप संकटको समस्या समाधानका लागि पहल गर्न प्राथमिकता दिने कम्पनीको भनाइ थियो । विश्वमा चिपको तीव्र माग भएको थियो ।
क्याटेगोरी : विश्व बजार
ताजा अपडेट
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
- एक सातापछि अवरुद्ध टेलिफोन सेवा सञ्चालनमा
- अफ्रिकी किशोरी भन्छन्: नेपाली भाषा र संस्कृति लैजान्छौँँ
- एकीकृत समाजवादीले सदस्यताको प्रमाणीकरण गर्दै
- सुनको मूल्य तोलामा सात सयले बढ्यो
- दक्षिण कोरिया आर्थिक विकासको सुत्र
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया