ब्रिटिश एयरवेजका प्रमुख विलीले अवकाश लिने
लन्डन, पुस २७
इन्टरनेशनल एयरलाइन्स ग्रुपका प्रमुख कार्यकारी विली वाल्सले पदबाट राजीनामा दिने घोषणा गरेका छन् । उनी ब्रिटिश एयरवेजका प्रमुख पनि हुन् । आगामी ३० जुनमा आईएजीको बोर्डबाट र प्रमुख कार्यकारीको पदबाट विलीले राजीनामा दिनलागेको बीबीसीले जनाएको छ । ब्रिटिश एयरवेज र आईबेरिया मर्ज भएपछि आईएजी बनेको थियो । आईएजी गठनमा विलीको महत्वपूर्ण भूमिका छ । आईएजीका प्रमुख एन्टोनियो भाज्याकले विली परियोजनाको मुख्य चालक भएको भन्दै प्रशंसा गरेका छन् ।
विली सन् २००५ मा ब्रिटिश एयरवेजको प्रमुख बनेका थिए । कम्पनीमा १५ वर्ष बिताएका उनले आईएजी छोड्न लागेका हुन् । उनले जुनमा पदावधि सकिनुअघि मार्चमै राजीनामा दिनेछन् । उनी हवाइ उद्योगकै लामो समय सेवा गर्नेमा पर्छन् । सन् १९७० को अन्त्यतिर आयर लिंगुसबाट क्याडेट पाइलटको रुपमा यस क्षेत्रमा पसेका थिए । सन् २००१ मा आयर लिंगुसको प्रमुख कार्यकारी बनेका थिए । उनको स्थान आईएजीकै स्पेनिस डिभिजन प्रमुख लुइस ग्यालेगोले लिने बताइएको छ । उनले कम्पनीमा जिम्मेवारी पाउनु आफ्नो लागि सम्मानको कुरो भएको बताए । आफूले विलीले निर्माण गरेको बलियो आधारलाई अझ मजबुत बनाउने बताए ।
क्याटेगोरी : विश्व बजार
ताजा अपडेट
- राष्ट्रपतिद्वारा कतारका अमिरको सम्मानमा रात्रिभोज आयोजना
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
- प्रज्ञा स्मृति प्रतिष्ठानको आयोजनामा प्रकाश दाहाल स्मृति भलिबल प्रतियोगिता हुने
- कतारका अमिर शेखको स्वागतमा सांस्कृतिक भेषभूषामा नेपाली
- कतारका अमिरको भ्रमणमा श्रम सम्झौता नवीकरण एउटा मुद्दा, नेपाल के चाहन्छ ?
- मोटरसाइकल दुर्घटनामा धनुषाका पत्रकार यादवको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया