विद्युतीय सामग्रीमा नयाँ नियम लागू गर्दै पाकिस्तान

इस्लामावाद, पुस २९
पाकिस्तान सरकारले सबै किसिमका विद्युतीय सामग्रीको नयाँ गुणस्तर मानक लागू गर्ने तयारी गरेको छ । पाकिस्तानी मिडियाका अनुसार जनवरी १५ देखि अर्थात् माघ १ देखि उक्त गुणस्तर अनिवार्य पालन गर्नुपर्नेछ । सरकारले अर्थतन्त्रको सबै क्षेत्रमा विद्युत् लागत कम गर्न नयाँ नियम ल्याएको हो । नेशनल इनर्जी एफिसियन्सी एण्ड कन्जर्भेसन अथोरिटी (एनईईसीए)का प्रबन्धनिर्देशक डा. सरदार मोहाजमले लाइटिङ (बल्ने) वस्तुको न्यूनतम ऊर्जा मानक बुधबारदेखि लागू हुने बताए । साथै फेब्रुअरीदेखि मोटरहरुमा र त्यसलगत्तै रेफ्रिजेरेटर र छ महिनाभित्र एयर कन्डिसनहरुमा नयाँ गुणस्तर लागू हुनेछ ।

विद्युत् खपत कम भए राष्ट्रिय अर्थतन्त्रको १० देखि १५ प्रतिशतसम्म जोगिने र ३० लाख टन तेल उपकरण तीन वर्षभित्रै कम गर्ने पनि बताइएको छ । यसका लागि निकाले बल्ने वस्तु उत्पादनकर्तालाई बाँकी रहेका उत्पादन सक्याउन भनेको छ । छ महिनाभित्र कम्पनीहरुले उक्त वस्तुहरु सक्नुपर्नेछ । यसले जलवायु परिवर्तन रोक्न पनि सहयोग पुग्ने बताइएको छ । सन् २०२० को अन्त्यसम्ममा सबै विद्युत्जन्य र विद्युतीय वस्तुहरु नयाँ गुणस्तरभिभत्र आउनेछन् । पाकिस्तान सरकारले मुख्य गरी उद्योग, यातायात र घरलाई प्राथमिकतामा राखेको छ ।