लन्डनमा सात औद्योगिक राष्ट्रका विदेशमन्त्रीहरुको प्रत्यक्ष भेटवार्ता
लन्डन ।
विश्वका प्रमुख सात धनी औद्योगिक राष्ट्रहरु (जी–७) का विदेश मन्त्रीहरुको दुई वर्षभन्दा बढी समयको अन्तरालपछि मंगलबार पहिलोपटक लन्डनमा प्रत्यक्ष भेटवार्ता भएको छ ।
समाचार संस्था एपीका अनुसार आयोजक राष्ट्र बेलायतले रसिया, चीन र इरानका पछिल्ला कदमहरुले सबैजसो प्रजातान्त्रिक समाज र अन्तर्राष्ट्रिय कानुनी शासनमाथि गम्भीर प्रश्न खडा गरिरहेको चेतावनी दिएको छ ।
बेलायतका विदेश मन्त्री डोमिनिक राबले यस बैठकले कूटनीति पुरानै लयमा फर्किएको भन्दै खुसी व्यक्त गरे । अमेरिकी विदेशमन्त्री एन्टोनी ब्लिन्केनले राष्ट्रपति जो बाइडेनले प्रशासन सम्हालेलगत्तै संयुक्तराज्य अमेरिकाका परम्परागत गठबन्धनलाई पुरानै लयमा फर्काइएको बताए ।
पूर्वअमेरिकी राष्ट्रपति डोनाल्ड ट्रम्पका एकलकाँटे नीतिले अमेरिका नै एक्लिएको निष्कर्षमा बाइडेन प्रशासन पुगेको उनको भनाइ थियो ।
विदेशमन्त्री ब्लिन्केनले जी–७ का मुलुकहरुले चीनसँग प्रतिस्पर्धात्मक क्षमता बढाउनु पर्नेमा पनि जोड दिए । दुई दिने यस बैठकमा जी–७ मा आबद्ध मुलुकहरु बेलायत, अमेरिका, क्यानडा, फ्रान्स, जर्मनी, इटाली र जापानका विदेशमन्त्रीहरु सहभागी भएका छन् ।
यस बैठकमा म्यान्मारमा भएको सैन्य विद्रोह, सिरियाको मानवीय संकट, इथियोपियाको टिग्रीको संकट तथा अफगानिस्तानको मानवीय संकटका बारेमा पनि छलफल हुनेछ ।
साथै, बेलायती विदेश मन्त्रालयका अनुसार बैठकमा रसियाले युक्रेनको सीमा क्षेत्रमा बढाएको सैन्य गतिविधि र विपक्षी नेता अलेक्सी नाभाल्नीलाई थुनामा राखिएको विषयमा पनि छलफल हुनेछ ।
सन् २०२१ का लागि जी–७ समूहको अध्यक्षता गरेको बेलायतले बैठकमा अस्ट्रेलिया, दक्षिण कोरिया, भारत र दक्षिण अफ्रिकाका विदेश मन्त्रीहरुलाई पनि आमन्त्रण गरेको थियो । प्रधानमन्त्री बोरिस जोन्सनले आगामी जुन महिनामा हुने जी–७ समूहका नेताहरुको बैठक आयोजना गर्नेछन् ।
क्याटेगोरी : विश्व बजार
ताजा अपडेट
- सहकारी क्षेत्रको घाँटी निमोठ्ने काम सहकारीका अगुवाहरूबाटै
- विद्यार्थी बीचमै हराउनु चिन्ताको विषय
- नदी कटान : जग्गा छैन तर कर तिर्दैछन् स्थानीयवासी
- लघुवित्तहरूको खराब कर्जा २४ अर्ब
- १० मुलुकबाट २५ अर्ब लगानी प्रतिबद्धता
- ‘जलवायु परिवर्तनको जोखिममा रहेका देशलाई क्षतिपूर्ति देऊ’
- गृहमन्त्रीकाबारे प्रधानमन्त्रीको दाबी झुटो साबित
- प्रधानमन्त्रीसँग विपिन जोशीका परिवारको भेट
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया